Hechos

4 Aramaʉ̃ta naʉ̃ra yumakẽrãra  jaure zareadeba wãsida Seleucia eda akʉza mamaʉ̃ba wãsida Chipre eda. 5 Salaminaena jʉ̃ẽbʉrʉde Daizeze Bedʼeata jaradia jʉ̃drʉsida Judiora sinagogade. Maʉ̃ne Juanta ãyi kʼaidubasi kʼarebaita. 15 Ley ʉ̃rʉ leberabarida tẽã akʉza propetara ʉ̃rʉ, nokʼora sinagogadebemabara zokʼasida jaradamarẽã ãyaʼa:«Maraba pʉwʉrʉita bedʼea biata jaraita erpanʉbʉrʉ, jaraidua». 17 Daizeze Israel pʉwʉrʉdebemabara jidasi dayira zõrãrã naweda beadarata. Iya eababisi iyi pʉwʉrʉra jãpeba zeda kĩrãkʼa panaside Egipto drʉade akʉza iyi juwa zareaba ẽdrʉbisi mamaʉ̃ba. 22 Ãĩ bʉeda tẽã diasi David’a nok’o bamarẽã akʉza David ʉ̃rʉ jarasi: «Mʉ̃a ũdubʉra Davidʼde Jesé warrata yumakẽrã mʉ̃ so sobiabibʉta. Iyara oi baera nek’ãrẽ jõma mʉ̃a kãgabʉta». 33 Daizezebara jõma daucha aribaebʉrʉ dayirã iyi wuãwũãraita, Jesu jẽda piradrʉbidadeba, salmo yi zroma ũmene jarabʉ kĩrãkʼa:‹Bʉra mʉ̃ warra, idi mʉ̃ra bʉ zeze badogoa›. 48 Judiora ẽãba maʉ̃ta ũrĩnai sobia biga asida Daizeze bedʼeara, aramaʉ̃ne yi jʉrʉdapeadaba ewari jõmaʉ̃nẽ b’aita ĩjãsida Daizezede.