2 Crónicas

16 Poaga 36de Asába zokʼabaside, nokʼo Baasá Israeldebemara yõbasi Judáʉ̃me akʉza nekʼãrẽ owãsi Ramá pʉwʉrʉ ara oita, mawũã nokʼo Asá Judádebema drʉadebemarata mia abaʉta ãĩ wãna ẽ marẽã mia eda wãna ẽ marẽã . 2 Mawũãnʉmʉne Asábara jidasi platata akʉza orota Jeowa dedaʉba akʉza nokʼo dedabemata, mõbe zokʼabʉesi nokʼo Ben-Hadad Siriadebema, iyira basi Damascode. Jarasi: 3 «Bedʼea abarika zedatabʉ, bʉta mʉ̃me akʉza bʉ zezeta mʉ̃ zezeʉ̃me. Nama zokʼabʉeyi mʉ̃a bʉa platata oroeda. Ĩjãra, nokʼo Baasá Israeldebemame bedʼea abarikʼa zedata idubʉra, mawũã iyita mʉ̃neba wãmarẽã». 7 Maʉ̃ ewaridera bidente Hananíbara akʉ zesi nokʼo Asá Judádebemata, mõbe jarasi: «Nokʼo Siria ʉ̃rʉ ĩjãna kʼarea mawũã Jeowade ĩjãi kaude, nokʼo Siriadebema gorogororãra wã bʉesi bʉ juwade. 8 ¿Bʉmabida etíoperaba akʉza libioraba ãyara mejãcha erbasi gorogororata, karrurata akʉza kabayo ʉ̃rʉ baribʉrata? Mawũãsidu bʉara ĩjãsi Jeowade adewara iyara diasi bʉ juwade. 9 Jeowabara akʉbʉ naʉ̃ drʉa jõma, iyi zarea diaita jari wãrĩnu soiduba iyi kãgabʉaʼa. Mamina kĩrã k’awua ẽ nʉmʉ kĩrãk’a osi, maʉ̃ k’area naʉ̃neba ʉ̃ta yõtabayi bʉme».