2 Samuel

25 Jerusalén pʉwʉrʉeda nokʼo akʉ jʉẽside, nokʼoba widisi: «¿Kʼãrẽa mʉ̃me wã ẽ basi bʉra, Mefibóset?». 26 Iya panʉsi: «Nokʼo, mʉ̃ nezokʼaba zewasi mʉ̃ra. Wãbe ẽãbʉ baera, mʉ̃a jarasi: ‹Mʉ̃ burruta angariyabira mawũã nokʼo kopayaita›. 27 Mamina iyara sewidata jarasi bʉara nokʼo, bʉ nezokʼa ʉ̃rʉra. Mamina bʉra nokʼo, Daizeze wãrĩnu angel kĩrãkʼabʉ, maʉ̃ kʼarea ora bʉmabʉta. 28 Nokʼo bʉara jõma bea zokʼaseabasi mʉ̃ yibarideda bʉrãra, mawũã oikaude bʉebʉrʉ bʉ nezokʼara bʉ mesade ãba neko bamarẽã. ¿Mʉ̃ra kʼaipe nekʼãrẽ wuabida widita nokʼoʼa?». 30 Aramaʉta Mefibósetba jarasi nokʼoʼa: «Iya jõma erbabira, kʼãwũã bʉta bia zesi baera nokʼo, kʼare neida berabari ẽã deda».