Josué

2 «Mʉ̃ nezokʼa Moisésʼra beisi. Mawuẽrã berabarira Jordán dota bʉta akʉza naʉ̃ pʉwʉrʉta, mõbe wara mʉ̃a drʉa Israelʼa diaya adama. 7 Zowaĩnĩgʉabara akʉza zareabara, adewara ora Leyʼra mʉ̃ nezokʼa Moisésba bʉʼa zokʼadara. Naʉ̃neba aña wãrãra mia juwara eda mia juwaʼãka eda, mawũã buru biata bamarẽã bʉyi wãmae. 8 Naʉ̃ libro Leyʼra ãĩ babe ẽ bʉdebara. Lera akʉza krĩchara naʉ̃ ʉ̃rʉ ewaride akʉza diamasi, mawũã omarẽã kama bʉchubʉ kĩrãk’a, bʉa mawũã ora bia wãñi akʉza jõma bia oyi. 9 ¿Mʉ̃a bʉaʼa zokʼabʉrʉ ẽka zarea bamarẽã akʉza zowaĩnĩgʉa bamarẽãra? Perarãra mia ne wawiarãra, bʉ Zeze Jeowata bʉmebʉ baera bʉyi wãmae».