Isaías
2 Jeowa jaure zareara iyi ʉ̃rʉbayi. Jaure zarea krĩcha biadebemata akʉza buru biadebemata, adewara jaure zarea ũrãg’a bia diabaridebemata, jaure zarea k’awuabibaridebemata akʉza jaure zarea Jeowa wawiabibaridebemata; 3 Iyara okĩrã obʉ Jeowaba zok’abʉra. Iyara bari dabʉ awaʉba ũdubʉrʉba k’awua oẽ, mia ũrãga ẽ bari iya ũrĩbʉrʉba. 4 Iyabʉrʉ aripe k’awua oyi zareã neẽapanʉrãra akʉza iyabʉrʉ aripe k’awua oyi naʉ̃ drʉade zʉbʉriapanʉrarã. Akʉza drʉata deguebibara bʉ bakʉrʉ itaeba; akʉza iyi jaureba beayi so kayiruara. 6 Usapara ãba bayi obejaʉ̃me, imamara ãba jewedapanañi chiu zakeʉ̃me, paka zakera ãbapanañi leon’ʉ̃me nedʉwʉrʉra jõma ãbapanañi wũãwũã zakeba jʉre edeyi. 7 Pakata wiʉ̃mera ãba nekodayi yi wũãwũãrasida ãyi k’awapanañi. Leon’ra toro kĩrãk’a chirua koyi. 8 Wũãwũã tʉdʉkabʉra dama de sobeade jemenebayi, wũãwũã abaʉta dama kida kayirua de sobeade juwa bʉeyi. 9 Mia k’aiba neida oẽ bayi mia makena ẽ bayi mʉ̃ katʉmanera, drʉa jõmaʉ̃ba bia k’awuapanañi Jeowa ʉ̃rʉ baniaba pusa jõma birabʉ kĩrãk’a. 10 Maʉ̃ ewaride Jesédeba zedata edaʉnʉmañi pʉwʉrʉraba akʉdamarẽã. Pʉwʉrʉrãra iyidu jʉ̃ẽñi iya jaradiamarẽã, iyibʉmae bʼaira yibiabayi.