Romanos

12 Mawũẽ mebẽrã, Daizezeta so zʉbʉriasi baera, mʉ̃a widibʉ mara kakuara diadamarẽã sakripisio kĩrãk’a Daizezeita, neneẽã iya kãgaide; mawũãtrʉ iyi bed’eara aribaedaya krĩcha biadeba. 2 Naʉ̃ drʉadebemaba obʉ kĩrãkʼa oraidua; awuarabʉrʉ krĩcha yiwidi erpanʉneba kʼẽrẽpa bʼaidua, mayikʉzaʉba kʼawuadamarẽã Daizezeba kʼãrẽta okĩrãbʉta, maʉ̃ra yibia, biʼiabʉ akʉza dauchabʉ. 3 Daizezeba iyi biaba mʉ̃ra zʉbʉria akʉsi maʉ̃ karẽã mʉ̃a mara’a jarabʉ mãyikʉza mejãcha krĩchada ẽ marẽã, awuarabʉrʉ krĩchadamarẽã Jeowaba krĩchabʉ kĩrãk’a akʉza krĩchaidua Jeowaba mara nebia diadata. 6 Daizezeba nekʼãrẽ biata diasi awuara awuaraka iyi biadeba. Daizezedebemata jara ũrĩbita diasidabʉrʉ, jara ũrĩbidua maraba ĩjãbʉdeba, 7 wuabemarabari nekʼãrẽ oitabʉbʉrʉ, biʼia oidua maʉ̃ra, jaradia kʼawuapanʉbʉrʉ, jaradiaidua, 8 yi sozarea diabʉba, sozarea diamarẽã, yi diabʉbara, soiduba mawũã obamarẽã, yi nãã edebʉbara, biʼia obamarẽã, yi soborekeata ũdubibʉbara, sobiade obara. 9 Soiduba kãgata ũdubidua. Yi kayiruara jʉraidua; nebiatrʉ opanaidua. 10 Mayirai yi kãgaidua mebẽrã kĩrãk’a. Yiya wawia ũdubira maraba nããra ojʉ̃drʉidua. 11 Trajamia b’aidua, k’oa panaraidua. Jaure zareaba diayi soiduba okĩrãita. Jeowa nezok’a b’aidua. 12 Sobiaidua ʉ̃ra zei jʉ̃ãpanʉ k’area. Awuantaidua bed’ea zroma ũdubudadera. Badua yiwid’ipanaidua. 13 Maraba erbʉta diaidua Daizeze ode panʉra ãya nesidabʉde. Ewari jõmaʉ̃ne bia edaidua deidu zebʉdara. 16 Wuabemarata akʉidua mayikʉza akʉbʉ kĩrãkʼa, ʉ̃tabʉta krĩcharaidua awuruabʉrʉ eda krĩchabʉta ũdubidua. Krĩcharaidua marabʉrʉ audre kʼawuabʉta wuabemaraneira. 17 Awuruba bʉ ʉ̃rʉ nemitiata osibʉrʉ abarika orãra. Awuarabʉrʉ krĩcha bara jõma ẽbẽrama kʼãrẽta biabʉ kĩrãkʼa bʉta. 18 Oseapanʉbʉrʉ, maraba kʼãrẽ oseabʉta oidua jõmaʉ̃bawara neneẽãpanaita. 19 Mʉ̃ nekãgara, abaʉba marata neida ora abarika oraidua, awuarabʉrʉ iduaribira Daizeze kĩrʉbiba kʼawua omarẽã. Naʉ̃ra yi bʉmata bʉ baera: «‹Mʉ̃re yãrã kʼawua oira, ãya kʼãrẽ odadeba mʉ̃abʉrʉ kʼawua oya›, jarabʉ Jeowaba». 20 Maʉ̃ba, «bʉ jʉrabʉta jarrakʉbʉra nekobira, obisiakʉbʉra bania dobira; mawũãra obʉbʉrʉ iyira perayi». 21 Yi kayirua yi edebirãra, awuarabʉrʉ nebia obʉdeba ãĩbʉera yi kayiruata.