Proverbios

4 Mejãcha trajarãra plata mejãcha erbaita. Piki ara akʉza ũdubira ũrĩ kʼawuabʉta. 5 Bʉa maʉ̃ta akʉbʉrʉdera neẽãdogo, ãyira ita ʉ̃tʉ zeyi nejõbʉ kĩrãkʼa mõbe ʉ̃ta wãbari wãñi. 15 Mʉ̃ warra, bʉ sode nebiata erbʉbʉrʉ mʉ̃ sota sobiabiyi. 16 Bʉa aripe bedʼeabʉrʉde mʉ̃ta arigʉ sobiabiyi. 20 Bino mejãcha do panʉrane eda bearaidua mia chichi mejãcha kopanʉranebida, 21 nek’ãrẽ mejãcha kopanʉrãra akʉza itua dopanʉrãra tẽã nek’ãrẽ neẽ panai baera akʉza wua jẽguesoa panai b’ai baera. 23 Wãrĩnuta edara akʉza nẽdorãra akʉza buru biata, k’awuaita adewara bi’ia ũduk’awuaita, maʉ̃ra nedorãra. 24 Yi aripe obʉ zezera wãrĩnu sobiabayi, yi buru bia zezera iyi kʼarea sobiabayi. 25 Bʉ zezera akʉza bʉ papaʉ̃mera sobiapanañi adewara bʉ todara audre sobiabayi.