Mateo

5 dauberreapanʉrabara akʉpanʉ, yi wã be ẽã badarãra wãpanʉ, yi ẽbẽra yara mõgabera yara neneẽãbe, yi ũrĩ ẽã beadarabara ũrĩpanʉ, beidarãra jẽda piradrʉsida akʉza yi kʼãrẽ neẽãpanʉrãra bedʼea biata jarakapanʉ. 11 Mʉ̃a mara wãrĩnuta jaraya, ẽbẽrarãne edara, neẽ Juan buru kʼoebibari ʉ̃ta bʉra. Mamina ʉ̃tʉ Daizeze Nokʼode edabʉra yi zroma iyira. 19 Maʉ̃are zesi Yumakẽrã Warrata, yiko kobʉta akʉza bino dobʉta, maʉ̃ne ẽbẽrarãba jarabʉ: «Akʉidua. Nekomiata akʉza bino domiata, neũdukʼawua plata korabaribawara akʉza ẽbẽra kayiruabawara ãbabʉ. Nekʼãrẽ badudeba, burubiara ũdubibʉ iya obʉdeba». 23 Akʉza bʉra, Capernaúm, ¿Bʉra bajãena wãika? Bʉra bewãrã deidʉ zeyi. Miõba oka odapeadata bʉ pʉwʉrʉde osidabʉrʉ Sodomanebida, maʉ̃ pʉwʉrʉra wabide bakasi. 24 Mʉ̃a jarayi Daizezeba kʼawua obʉrʉ ewaridera bʉta audre zʉbʉriayi Sodoma pʉwʉrʉira. 28 Zeidua mʉ̃ma, mara jõma zarea trajapanʉta akʉza mapaepanʉta, mõbe mʉ̃a ẽnaʉ̃bigaya. 29 Ũrĩda mʉ̃a zok’abʉta akʉza mʉ̃neba kʼawuaidua, mʉ̃ sora adua’a ibiadebʉa akʉza sodera eda krĩchabʉa, mʉ̃ma zeidua mawũãra mʉ̃a ẽnaʉ̃biya. 30 Mʉ̃a zokʼabʉta oita zare ẽ baera».