Juan
13 Paskua piesta oi naweda, Jesubara kʼawuabasi iyi beira arakaita basita, mawũã jẽda iyi Zezeʉ̃me baita. Iyara iyi kʼaidubemara naʉ̃ drʉadebʉta mejãcha kãgabasi, iyi beiyidu kãga ũdubisi. 2 Ãyi nekonʉmʉenara Diarura Judas Iscariote, Simón warra sode eda wãsi, mõbe krĩchabisi Jesuta nejʉrãra jimarẽã. 3 Jesubara kʼawuabasi Daizezeba iyita zokʼabʉesita akʉza nekʼãrẽ jõma iyi juwade amaesita adewara Daizezema jẽda wãibarabasita. 4 Mesadeba piradrʉpe, iyi wua anabaribʉta amaepe, toayata jiraedape kurrude tajʉ̃si, 5 tẽã poncherade bania bʉesi, mõbe yi kʼaidubemara jĩruta zʉgʉ jũdrʉsi akʉza iyi kʉrrʉde toaya jʉ̃badaba põasãbisi. 34 Mʉ̃a mara bedʼea yiwidita jarayi maraba odamarẽã: mayirai yiya kãgadamarẽã, mʉ̃a mara kãga zebʉrʉ kĩrãkʼa, marasida mawũã yiya kãga panamarẽã. 35 Mawũãtrʉ jõmaʉ̃ba kʼawuadayi marara mʉ̃ kʼaidubemarata, mayirai yiya kãgapanʉbʉrʉ».