Marcos
15 «¿Pagaibaraka mawũã ẽ bʉrʉ paga ẽ baibaraka?». Iya ũduside ãyara soiduba kʼawuakĩrãbʉ ẽãta, ãyaʼa widisi: «¿Kʼãrẽa mʉ̃a jaradadeba baebitapanʉ mʉ̃ra? Denario aba mʉ̃ma weidua mʉ̃a akʉita». 16 Mawũẽra iyidu wesida, aramaʉ̃ta iya widisi: «¿Kʼai kĩrãta ũdubʉ nama akʉza kʼai trʉ̃ta bʉbʉ?». «Cesarde» asi ãyara. 17 Maʉ̃ba Jesuba ãyaʼa jarasi: «Cesardera Cesarʼa pagaidua mamina Daizezedera Daizezea diaidua». Ãyara iyira kĩrãmĩga akʉsida maʉ̃ kʼarea. 29 Jesuba panʉsi yi nããrabemara naʉ̃: Ũrĩdua Israel, dayirã zeze Jeowara ababʉ Jeowata 30 Kãgaibara bʉ Zeze Jeowara bʉ soiduba, bʉ krĩchaiduba, bʉ kakua jõmainʉba akʉza bʉ zarea jõmainʉba. 41 Jewedasia plata edabʉebari kʼaita, mõbe akʉbasi ẽbẽrarãba plata sãwũã edepanʉta, yi plata mejãcha erbʉbara monedara mejãcha edabʉebasi. 42 Pẽdra k’ãrẽ neẽãbʉta ze k’ãrãpe eda bʉesi moneda zakera ũme. 43 Iya trʉ̃si iyi kʼaidu panʉrata, mõbe jarasi kaʉ̃ pẽdraba audre diabʉrua monedara wuabemaraba diapanʉira. 44 Jõmaʉ̃ba edabʉepanʉ ãya moneda nesida ẽãta, mamina kaʉ̃ yuwẽrãbara edabʉesi iya jõma erbata iyi bʼaita erbadata