2 Corintios

6 Daizezeita trajapanʉ baera badua jarapanʉ bari ewarade aduabida ẽ marẽã Daizezeba iyi biaba so zʉbʉria akʉbʉra. 2 Iya jarabʉ: «Mʉ̃a ũrĩbada ewaride ũrĩsi akʉza kʼarebasi ẽdrʉbi ewaride». Idira maʉ̃ ũrĩ ewari. Idira maʉ̃ ẽdrʉbi ewari. 3 Mia k’ãrẽta opanʉ ẽ k’ai baebita, mawũã ũduda ẽ marẽã wabida waebʉta jaradiabʉrʉde, 4 Awuarabʉrʉ dayirãba nejõma opanʉneba ũdubipanʉ Daizeze nezok’ata: bed’ea zroma ũdupanʉne zareapanʉ, zʉbʉriapanʉne, nek’ãrẽ waenʉmʉne, 6 kʼẽrẽpabʉde, nekʼãrẽ kʼawuabʉdeba obʉde, jʉ̃ã kʼawuabude akʉza wuabemara bia edabʉde, Daizeze jaure zarea yi edebibʉde, kãga wãrĩnu ũdubibʉde, 8 Dayi ʉ̃rʉ ibia bedʼeapanʉne mawũã ẽ bʉrʉ i kayirua bedʼeapanʉne, dayi ũdukaʉdede nebia obʉde mawũã ẽ bʉrʉ nemitia obʉde. Akʉpanʉ mia sewabari kĩrãkʼa, wãrĩnu jarabʉmina. 11 Corintiodebema, warĩnʉta jarapanʉ akʉza soiduba bed’eapanʉ. 12 Wãrĩnu daibara marara soiduba krĩchapanʉ, mamina marabara daira soiduba kãgapanʉ ẽ. 13 Mawũẽra (mara bedʼeabʉ mʉ̃ wũãwũãra bedʼeabʉ kĩrãkʼa) kãgaidua daiba mara kãgabʉ kĩrãkʼa akʉza soiduba bia edaidua jõmaʉ̃ta. 14 Ãbapanaraidua Daizeze ĩjã ẽ bʉbawara. ¿Kʼãrẽne abarikabʉ nekayiruata nebiaʉ̃mera? akʉza ¿kʼãrẽne abarikabʉ ʉ̃nata pãrĩguaʉ̃mera? 15 Adewara, ¿kʼãrẽne abarikabʉ Kristo Diaruʉ̃mera? Mawũã ẽ bʉrʉ ¿kʼãrẽne abarikabʉ ẽbẽra Daizeze ʉ̃rʉ ĩjãbʉta akʉza Daizeze ʉ̃rʉ ĩjãbʉ ẽã ʉ̃mera? 17 «Maʉ̃ k’area ãĩ wãidua ãyideba akʉza jãpe b’aidua (jarabʉ Jeowaba), nemitiata orãra», «mawũãra mʉ̃a jidayi». 18 «Mʉ̃ra mara zezebaya akʉza marara mʉ̃ warrabaya akʉza mʉ̃ kaubaya», mawũã jarabʉ Jeowa zarea Jõma barabʉba».