Isaías

3 Ẽbẽrarãbara igaradebasi akʉza ẽbẽrarãra iyiʉ̃me bakĩrã ẽ basi, iyira mejãcha zʉbʉriaibasi akʉza k’awuaibasi sãwũãbʉta kayara. Basi iyi kĩrãdarrara dayirãneba mĩrʉbʉ kĩrãk’a. Igara akʉpanasi, adewara k’ãrẽ ẽ kĩrãk’a akʉpanasi. 4 Iya edesi dayirã kayata akʉza dayirã puata, mamina daibara krĩchapanasi Daizezeba zʉbʉriabibasita. 5 Mamina iyi yarama susida dayirã kayirua k’area; adewara zʉbʉria osida dayirã k’ayirua k’area. Iyara awuantabasi mawũã zʉbʉria opanʉta dayirãta neneẽã panamarẽã akʉza iyi mejãcha zʉbʉriada k’area dayirãra besi. 7 Iyira zʉbʉria osida akʉza bia edada ẽ basi mamina iyara kʼãrẽ jara ẽ basi. Obeja kĩrãkʼa edesida nedʉwʉrʉra beabarima, obeja iyi kara ãĩ bʉepanʉena chupeabʉ kĩrãkʼa, iyira i ewa ẽ. 12 Maʉ̃ kʼarea yi zromara diabʉdebemata bʉabida diayi akʉza iyara yizromabawaraʉba nekʼãrẽ dedekayi, iyira wa zarrasi baera iyi beiyeda akʉza nemitia omia kĩrãkʼa akʉsida iyira, akʉza iya atusi ẽbẽrarã mejãchaʉ nemitiata akʉza nemitia omiabari bedʼeasi.