Eclesiastés

7 Mamina buru biara mejãcha krĩcha zroma obʉba, nekʼãrẽ aña obiseabʉ akʉza nekʼãrẽ bia jidabʉrʉba ãrĩseabʉ dayi sora. 9 Mesera kĩrʉrãra, kĩrʉira bia krĩchabʉ ẽ de baera. 10 Jararãra: «¿Kʼãrẽa nããrara audre biabasi idibʉira?». Biga ẽ baera mawũã krĩchaira. 12 Buru biara dayirã k’areba abarika plata dayirã k’areba kĩrãk’a. Mamina namara buru biara audre yibia: buru biabara zok’ai erbʉ yibarita. 16 Krĩcharãra bʉabʉrʉ jõma aripe obʉta akʉza audre buru biata wuabemaraira, maʉ̃bara bia wã ẽ bai baera. 17 Aukara so kayirua barara akʉza bia krĩcha bʉ ẽ kĩrãkʼa barara. ¿Kʼãrẽa bei bʉ bei ewari ze ẽ eda? 18 Audre yibia ũrãgʼa aba ũrĩta mamina kĩrãdua ẽ baibara ababema ũragʼata, yi Daizeze wawiabʉbara ũrĩbʉ baera ãyiʉ̃mena. 20 Mia kʼai ẽbẽrata neẽ naʉ̃ drʉadera nekayirua okara. 21 Adewara krĩcharãra ẽbẽraba jarabʉra jõma wãrĩnuta. Maʉ̃ta ora ũrĩñi bʉ nezokʼara bʉ ʉ̃rʉ i kayirua bedʼeabʉta. 22 Bʉara kʼawuabʉ baera bʉ sodebida imitia bedʼeabarita awuru ʉ̃rʉ.