Salmo

3 Nekʼãrẽ dayirãba ũrĩ zebʉrʉra akʉza kʼawuapanʉra (dayirã yibariraba jaradiadata), 4 merana ẽ bayi mara wũãwũãrarã akʉza yi tẽã zebʉrʉrabida jaradayi; nekʼãrẽ Jeowaba iyi ʉ̃rʉ ibia bedʼeaita ozebʉrʉta, iyi zareata akʉza iya kʼãrẽ nebia ozebʉrʉta. 5 Iya bʉsi kʼãrẽta oibarata Jacob ʉ̃rʉ akʉza leyta osi Israelde. Nekʼãrẽ omarẽã zokʼasi dayirã nãã pananara mawũã naʉ̃ ʉ̃rʉ jaradiamarẽã ãyi warrara, 6 mawũã yi ʉ̃ra zeiraba, yi wabida toda ẽãraba ũdukʼawudamarẽã, ãyabida jaradiadamarẽã ãyi warrara. 24 Iyara ʉ̃tʉba manata zebida ʉ̃rʉ zebibasi maʉ̃ta kodamarẽã, diasi neta ʉ̃tʉbemata. 25 Ẽbẽrarãba kosida angelera panta, iyara maʉ̃ra auduba diasi. 40 Kʼãrẽababayeda krĩña ũrĩna ẽ basi iyi bedʼeara drʉa ibʉawabʉmaera. Kʼãrẽababayeda sopʉabisida iyira drʉa ibʉawabʉmaera. 41 Ewariza ewariza Daizezeba k’arebabʉ k’awuaita opanasi mawũã arigʉ sopʉa osida Israeldebema Daizeze neneẽãbʉra. 70 Jidasi iyi nezokʼa Davidʼta akʉza ãĩ edesi obeja nʉminabari maeba, 71 wua obejara judo panʉra akʉbari ba ẽ basi; Jacob pastor babisi, iyi pʉwʉrʉta akʉza Israeldeta, iyideba nebia zebʉta 72 Iya akʉsi obejarãra daucha soiduba akʉza juwaba bia jʉredasi.