3 Juan

4 Mʉ̃ra mejãchade sobia sentibʉ naʉ̃ k’area, mʉ̃a ũrĩbʉrʉa mʉ̃ wũãwũãrãra wãrĩnu ode panʉta. 5 Mebẽã, kʼẽrẽpabʉta ũdubibʉ mebẽrã kʼarebabʉde ãyi ũdukamina. 6 Ãyira kongregasion nãã bed’eabʉda bʉ kãga ʉ̃rʉ. Mʉ̃ bia ok’ãrãpe ãyi wãne k’arebara ãyi k’ãrẽ waebʉde akʉza Daizezeba kãgabʉde orua. 7 Iyi trʉ̃ kʼarea ẽbẽrarã nekʼãrẽ widi ẽã wãsida baera. 8 Maʉ̃ba dayirãbara maʉ̃ra mebẽrãra bia edadaibara, mawũã kʼarebadayi wãrĩnunebema oita. 9 Mʉ̃a bedʼeata busi kongregasionʼita, mamina Diótrefes, jõmaira iyitrʉ nãã bakĩrãbʉba, ũrĩkĩrã ẽ akʉza wawiata ũdubi ẽ dayirãba jarabʉta. 10 Maʉ̃ kʼarea mʉ̃ta kama wãra, mʉ̃a jarayi iya kʼãrẽ onʉmʉta, dayirã ʉ̃rʉ imitia bedʼeanʉmʉ. Maʉ̃ awa ẽ iyara mebẽrãra wawiata ũdubi ẽ akʉza bia eda ẽ. Akʉza yi bia edakĩrãbʉra iyara idabi ẽ akʉza jʉretaita jarabʉ.