Proverbios
2 Mʉ̃ wũãwũã, ũrĩra mʉ̃a jarabʉta akʉza wuagara mʉ̃a zok’abʉta, 2 akʉza bʉ kʉwʉrʉba ũrĩda krĩcha biata, bʉ soba k’awuamarẽã saʉ̃ta yibiata akʉza saʉ̃ta zeriẽãta; 3 akʉza widira audre bi’ia ũrĩta akʉza buyi iba trʉ̃ra saʉ̃ta yibiata akʉza saʉ̃ta zeriẽãta, 4 maʉ̃ta plata kĩrãk’a jʉrʉbʉbʉrʉ akʉza oro wuagabʉ kĩrãk’a jʉrʉbʉbʉrʉ, 5 mawũãra k’awuayi Jeowa wawiaita akʉza mawũã ũduk’awuayi Daizeze ʉ̃rʉ. 6 Jeowabʉrʉ buru bia diabʉ, iyi ideba zebʉ kʼawuaira saʉ̃ta yibiata akʉza saʉ̃ta zeri ẽãta adewara ũdukʼawuaisida. 7 Iyara wuaga erbʉ buru biara yi kʼẽrẽpa panʉraita, iyira joudrʉbari kĩrãkʼabʉ iya jarabʉdebʉraitara. 8 Iyara akʉbʉ aripe obʉ ora akʉza akʉyi iyiʉ̃me kʼẽrẽpa panʉra ora. 9 Maʉ̃ ewaridera bʉa ũrĩni kʼãrẽta jarakĩrãbʉta aripe oibara akʉza daucha erbaibara, o biadera. 10 Buru biata bʉ soidu jʉ̃ẽbʉrʉdera akʉza bʉa kʼawuabʉta bʉma yibiabʉrʉ, 11 bʉ jʉra k’awuabʉba k’arebayi akʉza kʼawuabʉba saʉ̃ta yibiata akʉza saʉ̃ta zeri ẽãta, naʉ̃ba kʼarebayi 12 o mitiadeba ẽdrʉita akʉza ẽbẽrarãba bedʼea mitia jarabʉdeba, 13 o bia idubuepanʉneba mawũã o mitiade panaita, 14 nemitia obʉ kʼarea sobiapanʉneba (jipa nemitia opanʉ kʼarea sobiapanʉ), 15 o jãpe wãpanʉneba akʉza iyi ẽãta opanʉneba. 16 Buru biaba kʼarebayi ẽdrʉita yuwẽrã Daizeze ode bʉ ẽãneba akʉza yuwẽrã odebema ikʉ̃a bedʼeabʉdeba. 21 Ẽbẽrarã k’ẽrẽpabʉrãra bayi naʉ̃ drʉade akʉza yi ẽbẽrarã nekayiruara oẽãta bayi mamara. 22 Mamina ẽbẽra kayiruarãra naʉ̃ drʉadera jõma makenañi akʉza k’ẽrẽpa kãga ũdubibʉ ẽãra drʉadeba ẽĩkʉayi.