1 Corintios

4 Aba abakaʉba erpanʉ nebiara mamina maʉ̃ra Daizeze jauredeba zebʉrʉ 5 akʉza nek’ãrẽ awuara awuaraka opanʉ, mamina Daizeze abaita. 6 Jõmaʉ̃ba ne abarika opanʉ ẽ, mamina dayiraĩtara Daizeze abanʉmʉ, iyara ne jõma obʉ baera. 14 dayi kakuaza abʉra mawũã jũzaba abʉ ẽ, awuarabʉrʉ dayi kakuadera bio abʉ 17 Dayi kakuata jõma dabu basi bʉrʉ,¿Sãwũã ũrĩchuakasi?, akʉza dayi kakuata jõma kʉwʉrʉ basi bʉrʉ ¿sãwũã ũchuakasi? 19 Dayi kakuaza abʉra jõma iyabaʉ basi bʉrʉ, ¿sãwũã chuakasi dayi kakuara? 20 Dayi kakuaza abʉra nejõma erbʉ mina dayi kakuara aba bʉa. 21 Dabubara jarabe ẽ juwa’a «bʉ neẽbʉsi mʉ̃ra biabaya», iyaba buruba jarabe ẽ jĩrũ’a «bʉ neẽbʉsi mʉ̃ra biabaya» 22 Awuara bʉrʉ, dayi kakuaza abʉra zeri ẽ kirãk’abʉra maʉ̃rã jõma yibia 23 daya kakuaza abʉdebemata aba kãga ẽ mina maʉ̃trʉ audre akʉbʉ, iyabaʉ dayi kakua kai’a ũdubikĩrã ẽãtrʉ maʉ̃trʉ audre akʉbʉ, 24 dayi kakua kĩrãwãrẽãra mẽrãnaka. Daizezeba dayi kakuara jõma aride osi daya ũdubika sida osi bi’ia wagadamarẽã, 25 iyara oẽ basi dayi kakuaza abʉra jĩga panamarẽã, awuarabʉrʉ osi yiya k’arebapanamarẽã. 26 Kakuadebemata aba zʉbʉriara wuabemarasida zʉbʉriabʉ iyiʉ̃me. Kakua abaʉdebemata nebiata diadara jõmaʉ̃ta sobiapanʉ iyi kʼarea.