1 Timoteo
7 Adewara zarea ora Daizezea bia yiwidʼi bʼaita. 8 Ejersicio oira yibia dayi kakuaita, mamina Daizeze mejãcha kãgaira audre yibia nekʼãrẽ jõmaita, nebiata idi webʉ baera akʉza ʉ̃ra zeidebida. 10 Maʉ̃ kʼarea mejãcha trajapanʉ akʉza zarea opanʉ, daiba jʉ̃ãpanʉta bʉebʉrʉ baera Daizeze wãrĩnubʉ ʉ̃rʉ, iyira ẽbẽrã jõma ẽdrʉbibari audre yi kʼẽrẽpabʉrata. 12 Bʉra kʉ̃ra baera yãrã edabʉta ũdubirãra. Awuarabʉrʉ yiza biabara yi kʼẽrẽpabʉita bʉyi sãwũã bedʼeabʉdeba, bʉya obʉdeba, kãga ũdubibʉdeba, bʉa ĩjã ũdubibʉdeba akʉza bʉ neneẽã ũdubibʉdeba. 13 Mʉ̃ jʉ̃ẽñiena, badua nemi jĩgʉa lera Daizeze Bedʼeata ẽbẽrarã daidu, ũrãgʼaide akʉza jaradiaide. 14 Bʉa nebia erbʉra akʉza propesiade jidadara, zõrãrãba bʉ jidaside kĩrãduarãra. 15 Krĩchara naʉ̃ ʉ̃rʉ; soiduba naʉ̃ ʉ̃rʉ k’awuara, jõmaʉ̃ba ũdudamarẽã bʉ sãwũã dajada wari wãta. 16 Bʉyidebemata akʉza bʉa jaradiabʉta kĩrãkita akʉra. Maʉ̃ta jõma jipa orua, bʉa mawũã ora bʉta ẽdrʉyi akʉza yi wuabemara bʉa jaradiabʉ ũrĩbʉsida ẽdrʉbiyi.