Isaías

43 Kõbebʉrʉ, naʉ̃ta jarabʉ Jeowaba bʉ parãnaba Jacob akʉza bʉa bedʼea jaradaba Israel: «Perarãra mʉa bʉra jẽda edabʉrʉ baera. Bʉ trʉ̃neba trʉ̃bʉrʉ mʉ̃a bʉra. Mʉ̃re bʉra». 2 Do kĩrã baribʉrʉde, mʉ̃ra bʉmebayi, bʉa do kĩrã baribʉrʉdera maʉ̃bara joga ẽ bayi. Tʉbʉ pʉrea ʉ̃rʉ berabaribʉrʉde, bawa ẽ bayi akʉza tʉbʉ pʉreaba pʉrea ẽ bayi. 4 Bʉra mʉ̃ dabʉ nãã jipa kĩrãwãreãbasi baera, mʉ̃a bʉra bia akʉsi, mʉ̃a kãga bʉra. Maʉ̃ kʼãrẽa bʉ bari diayi ẽbẽrarãta akʉza bʉ bebʉbari diayi pʉwʉrʉrata. 10 «Marara mʉ̃ ʉ̃rʉ k’awuabipanʉrã, (mawũã jarabʉ Jeowaba), jidasi k’awuapanamarẽã, mʉ̃ta ĩjãpanamarẽã akʉza k’awuadamarẽã mʉ̃ra iyabaʉta. Mʉ̃ nããra mia abaʉ zezeta neẽbasi mia mʉ̃ tẽãbida neẽ. 11 Mʉ̃ra Jeowa, mʉ̃ awuarara neẽ mara ẽdrʉbira. 12 Mʉ̃a jarasi akʉza ẽdrʉbisi akʉza mʉ̃a ũduk’awuabisi marane eda awuru zeze neẽna, maʉ̃ba marara mʉ̃ ʉ̃rʉ K’awuabipanʉrã (mawũã jarabʉ Jeowaba), mʉ̃ra mara Zeze. 13 Akʉza mʉ̃ra iyabaʉtabʉ, miõba jãrĩ be ẽ nekʼãrẽ mʉ̃ juwade bʉra, mʉ̃a nekʼãrẽ obʉrʉdera, ¿kʼaiba obi ẽ baipe? 21 pʉwʉrʉ mʉ̃ita odata, mʉ̃ ʉ̃rʉ ibia jarakamarẽã.