Josué

7 Mʉ̃ra 40 poaga chuasi Moisés, Jeowa nezokʼaba, mʉ̃ta zokʼa bʉeside Cadés-Barneadeba drʉata chupea akʉ wãita akʉza mʉ̃ jẽda zeside bedʼea aripe jaraita soiduba. 8 Akʉza mʉ̃ mebẽra mʉ̃me wãri zedarabara, pʉwʉrʉra perabisidamina, mʉ̃ra Jeowaʉ̃me basi jõma mʉ̃yi soiduba. 9 Maʉ̃ ewaride Moisésba jarasi: ‹Drʉa bʉ wãbadamae ewari jõmaʉ̃nẽ bʉrebayi akʉza bʉ warraranebayi, bʉta mʉ̃ Zeze Jeowaʉ̃me soiduba kʼẽrẽpa basi baera›. 10 Jeowaba jarada kĩrãkʼa, naʉ̃ 45 poagabayedara zokʼai erbʉ iya mʉ̃ra, Jeowaba Moisésʼa maʉ̃ bedʼea jaradadeba ʉ̃ta, Israel drʉa ibʉawabʉmae wãpanaside akʉza idi, zachu mʉ̃ra 85 poagabʉta. 11 Akʉza mʉ̃ra zareachu idibasidu Moisésba zokʼa bʉeda ewaride zarea bada kĩrãkʼa. Mʉ̃ra iyabaʉ zarea erchu nããra bada kĩrãkʼa, yõena wãita akʉza ne awuru oita. 12 Maʉ̃ kʼarea mʉ̃a diara naʉ̃ drʉa katumaida chuta Jeowaba mʉ̃a diaya adata kaʉ̃ ewaribaside. Bʉa kaʉ̃ ewaribasidera ũrĩsimina kʼainʉra duanʉta anaquimnebemarata pʉwʉrʉ zromarabara, wãrĩnu Jeowara bayi mʉ̃me akʉza mʉ̃a jʉrekʉayi ãyira, Jeowaba jarada kĩrãkʼa. 13 Mawũẽra Josuébara nebiata zemarẽã jarasi Caleb ʉ̃rʉ, Jefuné warra, mõbe diasi Hebrónta iyide bamarẽã. 14 Maʉ̃ kʼarea Hebrónʼra Calebde, Jefuné quenizita warra, idibasidu iyide, iyira Jeowaʉ̃mebasi baera, Daizeze Israeldebemaʉ̃me, jõma iyi soiduba.