1 Corintios
6 Mʉ̃a usi, Apolosba baniaba ʉ̃rʉ kʼoesi, mamina Daizezeba wari wãbisi, 7 yi ne ubuta, yi bania bʉebʉta, kʼãrẽ ẽ kĩrãkʼabʉ, awuarabʉrʉ Daizezebʉrʉ waribibʉ. 8 Ne ubarita akʉza yi bania weabarita iyabaʉ ne u jarepei kʼarea trajapanʉ, mamina ẽbẽra aba abakaʉba ãyi trajabʉdeba nebiata ũduyi. 9 Dayirãra Daizeze kʼarebabari baera. Marara Daizeze drʉa, iya ubʉ, Daizezeba de parãna. 10 Mʉ̃ra de obari bia kĩrãkʼabʉ. Daizezeba iyi biaba kʼareba ũdubisi baera joʉsi drʉ̃daʉra mʉ̃ara, mamina awuruba maʉ̃ ʉ̃rʉ de obʉ. Aba abakauba biʼia akʉibara sãwũã obʉta dera maʉ̃ ʉ̃rʉ. 19 Naʉ̃ ẽjũãnebema krĩchara Daizezeitara zeri ẽ. Daizeze Bed’eaba jarabʉ: «Ariwia ãyi bed’eaba baebira». 20 Adewara jarabʉ: «Jeowabara kʼawuabʉ buru biaraba sãwũã krĩchabʉra zeri ẽãta». 21 Maʉ̃ kʼarea, aukʼara bedʼearaidʉa ẽbẽrarã ʉ̃rʉ, nekʼãrẽ jõmabʉra marane baera: 22 Pablobʉsida, Apolos, Cefas, naʉ̃ drʉata, bebʉta, beita, nekʼãrẽ idi berabarinʉmʉta mawũã ẽ bʉrʉ ʉ̃rã zeita, jõma marane; 23 Mõbe marãra Kristode akʉza Kristosida Daizezede.