Éxodo

2 Mʉ̃ra mara Daizeze Jeowa, Egipto drʉadeba ẽdrʉbida, mara naʉ̃ drʉade nezokʼabasi. 3 Awuru daizeze zeri ẽãta erbarãra mʉ̃ awuara. 4 »Bʉa orãra nek’ãrẽ oma ʉ̃tʉbemata, nek’ãrẽ drʉadebemata akʉza doedabemata. 5 Maʉ̃ra nek’ãrẽ oma nãã sãkokode baraidua akʉza wuabemaba jarabʉta aribaeraidua nek’ãrẽ oma yiwid’ide, mʉ̃ra Jeowa mara Zeze, mʉ̃ra mara Zeze baera mʉ̃ara kãgabʉ mʉ̃ abaʉ’abʉrʉ yiwid’idamarẽã. Yibariraba kayirua oda k’area yi wũãwũã ʉ̃rʉ kayiruata zebibʉ akʉza maʉ̃ra wũãwũãra ʉ̃rʉ, adewara maʉ̃ra kau warrara ʉ̃rʉ mʉ̃a mawũã oyi yi mʉ̃ jʉrapanʉra ʉ̃rʉra, 6 kãga jõkata ũdubiyi 1000 ʉ̃rabʉrʉ zebʉrʉraita ãya mʉ̃ta kãga baera akʉza mʉ̃a zok’abʉta ũrĩpanʉ baera. 7 Jeowa bʉ Daizeze trʉ̃ta mitia zok’arãra, Jeowabara makenañi iyi trʉ̃ mitia zok’abʉra 8 »Kĩrãbera sabadodera k’ãrẽ neneẽã erbaita.  Ewari 6 erbʉ bʉ trajaita akʉza bʉa nek’ãrẽ jõma oita. 9 Ewari 6 erbʉ bʉ trajaita akʉza bʉa nek’ãrẽ jõma oita. 10 Ewari 7dera sabado, maʉ̃ra Jeowa bʉ Daizezeita. Mia k’ãrẽ trajosida obe ẽ, bʉta, bʉ wauta, bʉ kauta, bʉ nezok’ata, bʉ nezok’a wẽrãta, bʉ nedʉwʉrʉ dedabemata, ẽbẽrarã jãpeba zeda bʉ drʉadebʉta. 11 Jeowaba osi ewari 6dera bajãta, drʉata, puzata, jõma mama edabʉta, mamina ewari 7dera enaʉ̃si. Maʉ̃ k’area sabadodera biata bʉsi akʉza neneẽã bʉsi. 12 »Wawiara bʉ zezera akʉza bʉ papara, mawũã dããra b’aita naʉ̃ drʉade Jeowa bʉ Daizezeba diaide. 13  »Mia bea be ẽ baibara. 14 »Ãĩ ba ẽ baibara. 15  »Nezrʉga ẽ baibara. 16  »Awuru ʉ̃rʉ bed’eabʉrʉdera sewa nebʉrata jara ẽ baibara. 17  »Kãga ẽ baibara awuru deta. Awuru kimata kãga ẽ baibara mia iyi nezok’ata iyi nezok’a wẽrãta mia iyi torota iyi burruta jõma awurudera kãga ẽ baibara.