Ezequiel
7 «Yumakẽrã warra mʉ̃a bʉta Israeldebemara jarakabari trʉ̃gasi, maʉ̃ba mʉ̃a bedʼea jarabʉrʉdera maʉ̃ta jara ũrĩbira mʉ̃ bari. 8 Ẽbẽra kayirua abaʉa mʉ̃a jarara «ẽbẽra kayirua bʉra wãrĩnʉ beiyi», mamina bʉa maʉ̃ ẽbẽra kayirua kʼãrẽ jara ẽ bʉrʉ mawũã iya nemitia obʉ ara omarẽã, iyira beiyi iya nemitia oda kʼarea mamina iyi wabari mʉ̃a bʉaʼa widiyi. 11 Jarada: «Mʉ̃ bebʉ k’area, mawũã jarabʉ Jeowaba nejõma zok’aseabʉba, mʉ̃ra sobia ẽ ẽbẽra kayirua beibʉrʉdera. Mamina mejãcha sobiabʉ ẽbẽra kayiruaba iyi kayirua amaebʉrʉde bei ẽ baita. Idubʉidua nekayirua opanʉra, idubʉidua. ¿Kʼãrẽa beibara israelitarãra?» 14 Kõbe, mʉ̃a ẽbẽra kayirua jarara «Bʉra beiyi bedʼea aba», mamina iya nekayirua obʉta idubʉra, aripe ora akʉza daucha, 15 iya jẽda diara iya prestadabari jidadata akʉza jẽda diara iya zrʉgadata adewara obʉbʉrʉ leyba jarabʉta zokʼai bʼaidebemata wua nemitia oẽ baita, wãrĩnu zokʼai bayi. Bei ẽ bayi. 16 Wua jẽda kĩrãbeda ẽ bayi mia abaʉ nekayirua iya odara. Aripe obʉ kʼarea akʉza daucha, wãrĩnu zokʼai bayi. 33 Maʉ̃ berabaribʉrʉde (maʉ̃ra aripe berabari baera), ãya wãrĩnu kʼawuadayi ãyide edabasita propetata aba».