Eclesiastés

4 Mʉ̃ra jẽda zesi akʉita sãwũa bisia edre zʉbʉria opanʉta. Ũdusi zʉbʉriapanʉ daubata akʉza mia k’aiba so zarea diapana ẽ basi. Yi zʉbʉria opanʉrãra zareabarabasi akʉza mia k’aiba so zarea diapana ẽ basi 6 Audre yibia enaʉ̃ita mejãcha trajaira maʉ̃ra pʉãdrʉ pẽwãi kĩrãk’abʉ baera. 9 Audre biga ũme panaita aba bʉira, erbʉ baera nebiata ãyi trajabʉdeba. 10 Ãyi abaʉdebemata baera, ababemaba kʼareba piradrʉbiyi. Mamina, ¿kʼãrẽta berabari baebʉrʉde neẽbʉrʉ kʼaiba kʼarebaita? 11 Adewara, ãba kʼãĩpanʉbʉrʉ yiya jʉ̃wʉrʉata diapanʉ. Mamina ¿abapai kʼãĩbʉbʉrʉ jʉ̃wʉrʉa bʼaika? 12 Adewara yi dobabʉra baebidayi, mamina ũmepanʉbʉrʉ yi nejʉrara kĩrãbita teiteabayi. Jʉ̃karata ũbea ãbabʉbʉrʉ mesera tʉ wã ẽ bayi.