Proverbios

2 ¿Krĩchabarika ʉ̃tabʉta? Mawũãra bia ẽãta zeyi. Mamina buru biara bʉ sainʉ oita kʼawuabʉraʉ̃me. 12 Ẽbẽra bia krĩchabʉ ẽãbara jʉra akʉbʉ wuabemarata, mamina yi ẽbẽra saʉ̃ta yibiata akʉza saʉ̃ta zeri ẽãta kʼawuabʉra chupeabʉ. 13 Yi awuru ʉ̃rʉ sewa nebʉrʉ jarabʉbara jaraka wã abari awuru ʉ̃rʉ, mamina yi ẽbẽra daya ĩjãseabʉbara jara ẽ iyaʼa jaradapeadara. 17 Ẽbẽra biabara iyi ʉ̃rʉ nebiata zebibʉ mamina ẽbẽra kayiruabara iyi ʉ̃rʉ zʉbʉriata zebibʉ. 24 Bʉ yi nek’ãrẽ diabʉta, tẽãne iya’a ʉ̃ta dia panʉ; bʉ yi ne k’ãrẽ dia kĩrã ẽã sida, maʉ̃ra zʉbʉria baeda wã. 25 Yi ẽbẽra nek’ãrẽ diabʉra nekʼãrẽ mejãcha ũduyi akʉza awuruʼa so zarea diabʉra iyabida so zarea ũduyi.