Salmo

42 Begui wẽrã bania ũduya zebari kĩrãkʼa, bʉ kʼawa baya zebʉ mʉ̃ra Zeze. 2 Ẽbẽra bania doya obisiabʉ kĩrãkʼa, Daizeze kʼaita bakĩrãbʉ mʉ̃ra. ¿Sõbede zei mʉ̃ra Daizeze kĩrãbita? 3 Ewariza jẽgabʉ mʉ̃ra, mʉ̃ ʉ̃rʉ ipida jarapanʉ baera «¿Sama chu Daizezera?». 4 Maʉ̃ kĩrãbe kʼãrãpe maʉ̃ta jõma bʉaʼa jarabʉ mʉ̃a, nããrãra kabanane eda wãbasi baera mʉ̃ra, pikãga akʉza sobia biga dia jʉra wãbabasi ãyibawara Daizeze deda, sobia jʉrapanasi piestade bʉ kĩrãkʼa.