Daniel
25 Iyira zareabayi akʉza zowaĩnĩgʉabayi, nokʼo barearebema ʉ̃rʉ wãita iyi gorogororabawaraʉba akʉza nokʼo barearebemara yõ wãñi gorogorora mejãcha akʉza zareabʉbawaraʉba. Mamina piradrʉ edaʉnʉma ẽ bayi ʉ̃rʉ nemitia oita krĩchapanʉ baera. 26 Iyiʉ̃me nekonʉmʉra baebiyi. Yi gorogorora jõma jõñi akʉza mejãchaʉta beiyi. 30 Nave Kitimnebemara iyi ʉ̃rʉ wãñi, iyira krĩcha zroma obayi. Mawũẽra akʉza jẽda zeyi akʉza mejãcha kĩrʉbayi pacto santoʉ̃me akʉza iya kãgabʉta oyi. Iyira jẽde zeyi mõbe akʉyi pacto santoba amaenata. 31 Ʉ̃kʉrʉra iyiarebayi akʉza wawia ũdubida e bayi templota adewara jãrĩnañi sakripisio badua obʉta. Adewara bʉdayi nekʼãrẽ igarata akʉza zʉbʉria obʉta. 37 Wawia ũdubida ẽ bayi yibarira Daizezeʼara, mia ũrĩna ẽ bayi wẽrãraba jarabʉra akʉza awuru daizezeraba; iyikʉza yi zromabayi wuabemara ʉ̃rʉ. 38 Awuarabʉrʉ, ibia bedʼeayi zarea daizezeʼa. Diayi orota, platata, mõgara kĩwãrãeãta yiwidʼita yibariraba daizeze ũdukabada. 40 Ewari jõbodoarera nok’o surdebemara yõñi nok’o nortedebemaʉ̃me. Naʉ̃ nok’o nortedebemara yõñi iyiʉ̃me iyi karrura yõbarideba, jãbaraneba akʉza kabayoraneba. Jãrĩñi drʉara mejãchaʉta. 41 Adewara Drʉa Kĩrãwãreãta pẽwãnañi. Akʉza drʉa mejãchaʉta baebiyi. Mamina naʉ̃rata ẽdrʉyi iyi juwadeba: Edom, Moab akʉza yi audre yibiata ammonitaraneta. 45 Nok’ora dera odayi pusa zroma akʉza katuma Drʉa Biʼia kiru ẽzadra. Zeyi iyi beita maʉ̃ ewaridera akʉza miõba k’areba ẽ bayi.