¿Bʉara oika Jeowaba jarabʉra?

Biga bʉa naʉ̃ karta akʉita ewari jʉrʉsibaera dai ʉ̃rʉ audre ũdu kʼawuaita, daiba kʼãrẽ obʉ ũdu kʼawuaita akʉza sãwũã ãba daʉcha yi jʉrepanʉta. Naʉ̃ kartaba kʼarebabʉrʉbaibara kʼawuamarẽã daibʉrʉ opanʉta Jeowaba kãgabʉta. Kãgapanʉ audre kʼawua wãmarẽã Daizeze ʉ̃rʉ. Jarada bʉ mebẽrã akʉza bʉ neũdukʼawuara bʉa Daizeze Bedʼea ʉ̃rʉ kʼawua wãta. Akʉza dai ãba yi jʉrebarimae audreẽãne zebara, mawũã audre biʼia ũdu kʼawuayi (Hebreos 10:23-25).

Bʉa Jeowa ʉ̃rʉ audre kʼawua wãne, audre ũdu kʼawuayi iya kʼãrẽãba kãgabʉta. Maʉ̃ba bʉabida abʼarika okĩrãyi iyide kĩrãkʼa (1 Juan 4:8-10, 19). Bʉara ¿sãwũã ũdubibara Daizeze wãrĩnu kãgabʉra? ¿kʼãrẽa ũrĩbara iya jarabʉra? ¿kʼãrẽba kʼarebai Daizezeba kãgabʉ oita daibawara? bʉa Daizeze Bedʼea jaradiabʉba kʼarebayi maʉ̃ panʉita. Bʉta bʉ mebẽrãbawara «Daizeze kãgadepanaidua» «jũãpanaidua Jesukristoba ewari jõmaʉ̃nẽbai weyeda» (Judas 21).