Jeowabara kʼarebabʉ Jehosafatʼra iyi nejʉraraneba

Jehosafatʼra Judádebema nokʼobasi. Iyara jõma mãrĩsi pʉwʉrʉ audu nekʼãrẽ oma badara akʉza Baal altarsida, jõma ãrĩsi. Jehosafatbara kãgabasi ẽbẽrarãba Daizeze Leyʼra ũdukʼawuadamarẽã. Mawũã zokʼasi nokʼora wũãwũãrata akʉza lebitarata Daizeze Leyta mawũã jaradiadamarẽã pʉwʉrʉra jõmaʉ̃ʼa.

Pʉwʉrʉra Judá audu badarãra mejãcha perapanasi Judá pʉwʉrʉme yõita, kʼawuapanasi baera maʉ̃rãra Jeowaba kʼarebabʉta. Mawũãbasi baera nebiata edepanasi nokʼo Jehosafatʼita. Mamina ẽbẽrarã Ammónʼnebemata, Moabdebemata akʉza pʉwʉrʉ Seírdebemata yõ wãsida Judá pʉwʉrʉme. Jehosafatbara kʼawuabasi Jeowa kʼarebata nesidaibasita, maʉ̃ kʼarea ãba jʉre edasi warrarata, wẽrãrata akʉza yumakẽrãrata Jerusalénʼne akʉza maʉ̃ra ẽbẽrarã nãã Daizezeʼa yiwidʼisi: «Jeowa bʉ kʼareba neẽãra dai juwa edre baebi auda ẽ dai nejʉrarãra, maʉ̃ kʼarea jarada daiʼa kʼãrẽta oibarata».

Jeowabara ũrĩsi Jehosafat bedʼeara, mõbe panʉsi: «Perarãra mʉ̃a kʼarebayi, wãra mayibʉidʉ, mõbe akʉidua mʉ̃a mara sãwũã kʼarebaita». ¿Jeowabara sãwũã ẽdrʉbibasi?

Maʉ̃ nrʉema Jehosafatbara jidasi ẽbẽrarã trã kʼaupanʉrata, mõbe jarasi gorogorora nãã wãmarẽã. Ãyira wãsi Jerusalénʼneba Tecoaeda, mama yõibasi.

Yi trãpanʉrãra mejãcha sobiapanasi Daizezeʼa trãpanasi baera nemi jĩgʉa. Ãyi trãpanʉena Jeowara iyi pʉwʉrʉ kʼarea yõbasi. Jeowabara ammonitarata moabitaraʉ̃me ãyirai yõbisi, mawũã jõma beisi. Jeowabara kʼarebasi ẽbẽrarã Judádebemata, saserdoterata akʉza gorogororata. Mawũã ẽbẽrarã Judá audu pananarabara kʼawuasida Jeowabara iyi pʉwʉrʉra kʼarebabʉta. ¿Jeowabara sãwũã ẽdrʉbibʉ iyi pʉwʉrʉra? Nekʼãrẽ mejãchadeba. Iyara ẽbẽra kʼarebata nesida ẽ.