¿Jeowa ʉ̃rʉ Kʼawuabipanʉrã yuwẽrãbara jaradiabʉka?

Mawũã, mejãchaʉba jaradiabʉ naʉ̃ drʉa jõmaʉ̃nẽ. Maʉ̃ra wẽrãrabara nama Salmo 68:11​ba jarabʉ kĩrãkʼa opanʉ. Jeowaba nama jarabʉ ãyi ʉ̃rʉ «Wẽrãra bedʼea bia jarabʉra mejãchabʉta».

Jeowa ʉ̃rʉ Kʼawuabipanʉrã wẽrãraba sãwũã jaradiabʉra awuarabʉ awuru religionebemara wẽrãraba sãwũã jaradiabʉira. Mawũẽra, ¿kʼãrẽne awuarabʉ?

Nããra, wẽrãra awuru religionebemarabara jaradiabari ãyi religionebemara jõmaʉ̃ʼa ariya. Maʉ̃rãra yi ũrĩpanʉrãra iyabaʉ religionebemara. Awuarabʉrʉ wẽrãra Jeowa ʉ̃rʉ Kʼawuabipanʉrãbara kongregasion ãĩ jaradiabʉ ẽbẽrarã, maʉ̃ta opanʉ deza deza akʉza ãyi wãmae.

Yi ũmeta akʉza ãyara ãba yi jʉrebarimaera awuara obʉ. Wẽrãra awuru religionebʉrabara zokʼabʉ eda ãyi kongregasione akʉza jaradiabʉ. Waya wẽrãra Jeowa ʉ̃rʉ Kʼawuabipanʉrãbara ãba yi jʉrebarimaera jaradia ẽ yumakẽrã buru kʼoemata bʉbʉrʉ. Yumakẽrã buru kʼoemabʉbʉrʉ jaradiabʉ ãba yi jʉrebarimaera. Maʉ̃ra yumakẽrãrãra jidasida mawũã jaradiamarẽã (1 Timoteo 3:2; Santiago 3:1).

Daizeze Bedʼeade kongregasion ʉ̃rʉ jarabʉrʉdera ũdubibʉ yumakẽrãrabʉrʉ zokʼabasita. Maʉ̃ta berabarisi Pabloba Titoʼa jaraside Creta pʉwʉrʉde jʉrʉmarẽã yumakẽrãra kongregasione yi nãã edebari bʼaita (Tito 1:​5, nota). Adewara Pabloba jarasi iya yumakẽrãra yi nãã edebari bʼai zõrãrãra naʉ̃ta erbaibarabasita: ẽbẽrarãra iyi ʉ̃rʉ ikayirua bedʼeaka baibarabasi akʉza yuwẽrã abapai erbaibarabasi (Tito 1:​6). Akʉza Timoteoʼa karta dia bʉeside jarasi: «Yumakẽrã aba zarea onʉmʉbʉrʉ zõrãrã bʼaita, trajo biata kãgabʉ. Maʉ̃ba zõrãrã kongregasion ʉ̃rʉra mia abaʉba ikayirua jarakabaibara akʉza kima abapai erbaibara [...], biʼia jaradia kʼawuabaibara» (1 Timoteo 3:​1, 2).

¿Kʼãrẽa yumakẽrãbʉrʉ akʉibara kongregasionʼra akʉza yi nãã edebari baibara? Pabloba jarasi: «Mʉ̃ara iduaribi ẽ yuwẽrãba jaradiamarẽãra akʉza yumakẽrã nejõmaʉ̃nẽ zokʼamarẽã; awuarabʉrʉ chupeabaibara. Nããra parãsida baera Adánta maʉ̃are Evata» (1 Timoteo 2:​12, 13). Naʉ̃ba ũdubibʉ Jeowabara kãgabʉta yumakẽrãba akʉmarẽã akʉza yi nãã edebari bamarẽã iya osi baera yumakẽrãta nãã.

Jesústa ẽbẽrarã jaradiapanʉ nokʼo baera, maʉ̃ba ãyara opanʉ Jesúsba oda kĩrãkʼa. Lucasba naʉ̃ra jarasi Jesús ʉ̃rʉ :«Iyara Daizeze Nokʼoba bedʼea bia erbʉta jaraka wãsi pʉwʉrʉza akʉza komunidaza». Mawũẽra, ¿kʼãrẽta osi Jesús kʼaidupanʉrabara jaraside jaradia wãmarẽã? Ãyara naʉ̃ta osida: «Ãzhi wãbʉrʉdʼera pʉwʉrʉ zake tabʼeza berabʼari wãnata bedʼea biata jarakʼa [...] wãsidʼa baridu maẽ» (Lucas 8:1; 9:​2-6).

Jesúsba jarasi: «Akʉza bedʼea bia Daizeze Nokʼo ʉ̃rʉra jaradiadayi naʉ̃ drʉa jõmaʉ̃nẽ ẽbẽrarãba kʼawuadamarẽã pʉwʉrʉra jõmaʉ̃nẽ, maʉ̃ tẽã zeyi jõĩta» (Mateo 24:14). Idi ewade Jeowa ʉ̃rʉ Kʼawuabipanʉrãbara yuwẽrãba, yumakẽrãba opanʉ naʉ̃ bedʼea Jesúsba jaradata jaradiabʉde.