¿Marabara bia zokʼapanʉka karta Examinando las Escrituras diariamentera?

¿Ewari jõmaʉ̃nẽ akʉbʉka testo karta Examinando las Escrituras diariamentedebemata? Bʉa maʉ̃ta mawũã okʼawuachu ẽ bʉrʉ, ¿maʉ̃ta ojʉ̃drʉseabʉ? Ẽbẽra mejãchaʉba akʉpanʉ naʉ̃ testora diapeda mawũã ãyi nekʼãrẽ obarabʉ eda maʉ̃ ʉ̃rʉ krĩchaita (Jos 1:8; Sl 119:97). ¿Sãwũã audre bia zokʼaseabʉ naʉ̃ testora? Naʉ̃ testo biʼia ũrĩra leibara bedʼea nããbʉta akʉza tẽãbʉta. Nãã krĩchara Daizeze Bedʼeade eda nebʉrabʉta maʉ̃ testo ʉ̃rʉ, maʉ̃ tẽã oũdubira naʉ̃ testoba jarabʉta. Dayirãba nekʼãrẽ jidai nãã Daizeze Bedʼea yi edebira mawũãra bia wãñi (Sl 119:105).

Mebẽrã Betel naʉ̃ drʉa jõmaʉ̃nẽbemabara akʉpanʉ Examinando las Escrituras diariamente diapeda nekoda tẽã. Poaga dããra ba ẽ naʉ̃ kʼãwũã diapeda ãba yi jʉrebari opanʉ ũdũbibʉta JW Broadcasting^® jʉrʉda bideode PROGRAMA AUDRE YI BIATA. ¿Sõbeda akʉsi bʉara naʉ̃ranebemara? Edaʉde mama jaraseapanʉ bʉma bʉta. Bari jaraita, sãwũã kʼarebaseabʉ Lot bideobara.

KÃGA Ẽ BAIBARA NAɄ̃ DRɄADEBɄTA (1JN 2:15), BIDEO ŨDUBIDA TẼÃ, PANɄRA NAɄ̃ WIDITA:

• ¿Kʼãrẽ testodeba opanʉ diapeda ãba yi jʉrebarira?

• ¿Kʼãrẽne kʼarebabʉ Lot nebʉrabara naʉ̃ drʉadebema mejãcha kãga ẽ baita? (Gé 13:12; 14:12; 19:3, 12, 13, 24-26).

• ¿Sãwũã ũdubipanʉ Jeowa mejãcha kãgabʉta mawũã naʉ̃ drʉadebemaba diabʉta kãga ẽãta?