¿Kʼãrẽta kʼawuaseabʉ ẽbẽrarã zõrãrã kristianoranebara?

Dayirã kongregasionera ũdupanʉ mebẽrã Jeowa ode kikibarita. Ãya Jeowa mejãcha ĩjãbadadeba dayirãba kʼawuaseabʉ. Ãyibawara bedʼeaseabʉ Jeowa organizasione berabari wãta, ãyi bedʼea zroma ũdu zebʉrʉ ʉ̃rʉ akʉza sãwũã Jeowaba kʼareba zebʉrʉta. Adewara dayirãbara ãyira bedʼea edaseabʉ mebẽrãbawaraʉba Jeowa ʉ̃rʉ audre kʼawuaita akʉza jaramarẽã ãyi ʉ̃rʉ.

Bʉta ẽbẽrarã zõrãrãbʉrʉ jaradiara yi wuabema bʉ edabʉa kʼãrẽta berabarisita Daizeze ode. Jacobʼba Joséʉ̃mebara yi warrara jaradiasida ãyi berabaridara (Gé 48:21, 22; 50:24, 25). Jeowabara kãgabʉ mebẽrã buruba jaradiamarẽã Jeowaba nekʼãre zroma ozebʉrʉ ʉ̃rʉ (Dt 4:9, 10; Sl 78:4-7). Yibariraba akʉza ẽbẽrarã zõrãrãba jaradiaibara sãwũã Jeowaba iyi organizasioneba aripe owãta iya jarabʉra.

BIDEO PẼWÃBɄDADE ÃBA PANAIBARA ŨDUBIDA TẼÃ, PANɄRA NAɄ̃ WIDITA:

• ¿Sãwũã kʼarebasi sukursal Austriabara ʉ̃kʉrʉ mebẽrãta drʉade Daizeze bedʼea jaradiabe ẽ maera?

• ¿Kʼãrẽta osi naʉ̃ra mebẽrãrabara Daizeze audre ĩjãita?

• ¿Kʼãrẽa ʉ̃kʉrʉ mebẽrãra Rumanianebemara Jeowa organizasioneba drasida akʉza sãwũã jẽda zesida?

• ¿Naʉ̃ bideobara bʉra sãwũã kʼarebabʉ bʉa audre ĩjã bʼaita?