BEDʼEA BIA DAIZEZE BEDʼEADE ŨDUDATA | ÉXODO 10, 11

Moisésta Aarónʼʉ̃mera zowaĩnĩgʉapanasi

10:3-6, 24-26, 28; 11:4-8

Moisésta Aarónʼʉ̃mera zowaĩnĩgʉata nesidapanasi paraonʼʉ̃me bedʼeaita, maʉ̃ ewaribasidera paraonʼra yi zromabasi baera. ¿Kʼãrẽba osi paraonʼʉ̃me bedʼeaita? Daizeze Bedʼeaba jarabʉ Moisés ʉ̃rʉ: «Wãrĩnu ĩjãbʉ kʼarea, amaesi Egiptora, nokʼo mejãcha kĩrʉbʉ krĩcha ẽã, ariya piki teiteabasi jari yãrãba ũduka akʉbʉ kĩrãkʼabasi baera» (Heb 11:27). Moisésba Aarónʼʉ̃mebara arigʉ ĩjãbasi Jeowata.

¿Dayirãta ẽbẽrarã yi burura nãã panʉbʉrʉ sãwũã zowaĩnĩgʉa kʼãrãpe bedʼeaseabʉ dayirãba ĩjãbʉ ʉ̃rʉ?

Poto: Nekʼãrẽ sãwũã berabarinʉmʉne zowaĩnĩgʉa bʼaibara. 1. Wũãwũã aba kolegiode chuwẽã piradrʉ kʼãrãpe edaʉnʉmʉ wuabemaraba bandera izareanʉmʉena. 2. Mebẽã aba yi burura nãã edaʉnʉmʉ. 3. Mebẽã kʉ̃rã abaʉba diabʉ karta zaketa yi dekaʉʼa maʉ̃ena jeneneba akʉbʉ.