Jeowabara kʼarebabʉ iyi pʉwʉrʉra

Paskua piesta odapeadara arigʉ yibiabasi. Paraonba kʼawuaside Egiptode wũãwũãra nabema jõma beikʉaside, aramaʉ̃ta maʉ̃ diamasi jarasi Moisésʼa: «Wãidua mesera. Marara jĩga wãidua mʉ̃ pʉwʉrʉdebara adewara wuabema israelitarasida. Wãidua Jeowaʼa yiwidʼide, maraba jarada kĩrãkʼa» (Éx 12:31). Wãrĩnu Jeowabara kʼarebasi iyi pʉwʉrʉra.

Dayirãba Jeowa ʉ̃rʉ Kʼawuabipanʉrã nebʉra ʉ̃rʉ akʉpanʉnera, wãrĩnu ĩjãpanʉ Jeowabara akʉbʉta iyi pʉwʉrʉra. Jeowa ʉ̃rʉ Kʼawuabipanʉrãba naʉ̃ drʉa jõmaʉ̃nẽbemaba odata ũdubibʉ, naʉ̃ trʉ̃ra «Jeowabara erbʉ iyi pʉwʉrʉta, iyi trʉ̃ jaradiamarẽã».

BIDEO MUSEO WARWICKDEBEMA AKɄITA: «JEOWABARA ERBɄ IYI PɄWɄRɄTA, IYI TRɄ̃ JARADIAMARẼû ŨDUBIDA TẼÃ, PANɄRA NAɄ̃ WIDITA:

• 

  ¿Kʼãrẽta zokʼasida Daizeze Bedʼea kʼawuabaribara poaga 1914de Daizeze Bedʼea jaradiaita akʉza sãwũã jʉ̃ẽsi?

• 

  ¿Kʼãrẽ bedʼea zromata ũdusida poaga 1916de akʉza 1918de? Adewara, ¿kʼãrẽba ũdubibʉ Jeowaba akʉbasita iyi organizasionʼra?

• 

  ¿Daizeze pʉwʉrʉra sãwũã kʼẽrẽpabasi ãyi pẽwãsidaidu?

• 

  ¿Kʼãrẽta kʼawua zesida poaga 1935de akʉza maʉ̃bara sãwũã kʼarebasi?

• Jeowa ʉ̃rʉ Kʼawuabipanʉrãba naʉ̃ drʉa jõmaʉ̃nẽbemaba oda museota ũdusibʉrʉ, mawũã ẽ bʉrʉ awuru sukursalde, ¿sãwũã kʼarebabʉ naʉ̃ museo ũdudaba bʉa audre ĩjãita Jeowaba iyi pʉwʉrʉ kʼarebabʉta?