Audre bia ora jaradia wãbʉrʉde: Jaradiara kamaradeba akʉza nekʼãrẽ puertadeba bedʼeabarideba

KʼÃRẼA YIBIA. Naʉ̃ drʉade ẽbẽrarã kayirua mejãcha ũdu wãnaba, maʉ̃ba ẽbẽrarã mejãchaʉba ãyi dedara bʉepanʉ kamarata mawũã ẽ bʉrʉ nekʼãrẽ puertadeba bedʼeabarita. Naʉ̃ra ẽbẽrarãba naʉ̃ta zokʼabʉ baera, dayirãba Daizeze bedʼea jaradiabʉrʉdera peraseabʉ dayirãba ũdu ẽ baera mamina ãya dayirãta akʉpanʉ. Atia ũrãgʼa diaiba dayirã kʼarebayi Daizeze bedʼea jaradiabʉrʉde kamarade bedʼeaita mawũã ẽ bʉrʉ nekʼãrẽ puertade bedʼeabaride bedʼeaita.

SÃWŨÃ OIBARA

• Bia krĩchaibara. Ẽbẽrarã mejãchaʉta ãyi deda kamarata erbʉbʉrʉ mawũã ẽ bʉrʉ nekʼãrẽ puertadeba bedʼeabarita erbʉbʉrʉ ãyira dayirãbawara bedʼeakĩrãpanʉ.

• Kĩrãbera ʉ̃kʉrʉ kamarabara bʉ zebʉrʉdera grawabʉta, yi deda panʉrabara ũrĩbʉta akʉza akʉpanʉta bʉ puertama jʉ̃ẽi naweda.

• Bʉ bedʼea panʉbʉrʉde nekʼãrẽ puertadeba bedʼeabaride, bʉra bedʼeara iyiʉ̃me kĩrãbita bedʼeabʉ kĩrãkʼa ipidara akʉza ora bʉya obʉ kĩrãkʼa. Jõma jarada bʉa jaraibadara iya puerta ewabʉrʉ kĩrãkʼa. Kamaratabʉbʉrʉ maʉ̃ma arakʼaita warãra akʉza ẽbẽraba bʉa jarabʉta panʉ ẽ bʉrʉ, mia kʼãrẽ kartasida amaerãra.

• Kĩrãbera bʉ bedʼea berabaridogodera ẽbẽrabara iyi kamaradeba akʉbʉta akʉza ũrĩbʉta.