¿Bʉara bʉ ewarita akʉza bʉ zareata diaseabʉka?

Isaíasba jarada kĩrãkʼa, Jeowa organisasionʼra naʉ̃ drʉadera ewariza audre eaba wã (Is 54:2). Maʉ̃ kʼarea dayirãbara audre nesidapanʉ Daizeze Nokʼo ʉ̃rʉ bedʼeabari deta, Asamblea obari deta akʉza sukursalde wua eda parã wãita. Mawũã parãna tẽã akʉ bʼaibara akʉza mawũã parãna dããrababʉrʉde jẽda ara oibara. Naʉ̃ kʼãwũã oira dayirã ewarita akʉza dayirã zareata Jeowaʼa diaibara. Dayirãbara:

• Daizeze Nokʼo ʉ̃rʉ bedʼeabari dera mebẽrãbawaraʉba imaseabʉ.

• Dayirãbara kʼawuaseabʉ Daizeze Nokʼo ʉ̃rʉ bedʼeabari de sãwũã akʉita.

• Dayirãbara biraseabʉ Solicitud de voluntario local de diseño y construcción (DC-50) kʼarebaita de parãita mawũã ẽ bʉrʉ Daizeze Nokʼo ʉ̃rʉ bedʼeabari de akʉita.

• Dayirãbara biraseabʉ Solicitud para el programa de voluntarios (A-19) naʉ̃bara Betelde semana aba trajabibʉ mawũã ẽ bʉrʉ ʉ̃ta akʉza sukursalba zokʼabʉrʉmae.

BIDEO BEDʼEA JARAITA RÁMAPO Ʉ̃RɄ (WIÑA ŨDUBIBɄ) ŨDUBIDA TẼÃ, PANɄRA NAɄ̃ WIDITA:

• ¿2014deba sãwũã audre eaba wã bideo zokʼapanʉra?

• Dayirãbara bideo nesidapanʉ erpanaita, ¿kʼãrẽta nesidapanʉ parãnaita akʉza maʉ̃ra sõbede maparãi?

• ¿Sãwũã kʼarebaseabʉ mebẽrã soiduba trajakĩrãpanʉrabara?

• Dayirãta trajakĩrãpanʉbʉrʉ Rámapode de parãita, ¿kʼãrẽa biraibara karta DC-50ra akʉza dayirãbara kʼarebaibara LDCba obʉta dayirãbʉmae?

• ¿Sãwũã kʼawuapanʉ Jeowaba kʼarebabʉta naʉ̃ parãita?

• ¿Dayirãbara sãwũã kʼarebaseabʉ maʉ̃ parãita dayirãta wãbe ẽ bʉrʉ?