BʼAITA KRISTIANORA KĨRÃKʼA
Jeoware panʉbʉrʉ iya ẽbẽra kʼẽãbʉrʉde, kãgata ũdubipanʉ
Ẽbẽra abaʉta Jeowa odebʉta ãĩ bʉebʉdade, maʉ̃ra opanʉ kongregasion akʉita, adewara maʉ̃ta yibia ẽbẽrarã kʼẽãita ãya nemitia obʉta idubʉ ẽ kʼarea (1Co 5:6, 11). Jeoware panʉbʉrʉ iya ẽbẽra kʼẽãbʉrʉde, kãgata ũdubipanʉ. Mamina, ¿maʉ̃ra sãwũã mawũã berabariseabʉ mejãcha sopʉa amaebʉbʉrʉ, audre yi mebẽrãbʉrʉ adewara mebẽrã ãbapanʉ kʼawua obariba?
Nããra, ũdubipanʉ kãgata akʉza wawiata ũdubipanʉ Jeowa trʉ̃ neneẽã bamarẽã adewara iya zokʼabʉta (1Pe 1:14-16). Kʼẽãbʉdade pʉmina, mamina maʉ̃bara kʼarebabʉ kʼẽrẽpa bʼaita (Heb 12:5, 6, 11). Dayirãta Jeowa odeba ãĩ wãnabawarabʉbʉrʉ mawũãra iduaribi ẽ bayi Jeowaba maʉ̃ ẽbẽrata kʼẽãmarẽã. Kĩrãbeidua Jeowabara aukʼara kʼẽã ẽ (Jer 30:11). Jʉ̃ãpanʉ maʉ̃ ẽbẽrata jẽda Daizeze so zʉbʉria akʉbʉma zemarẽã. Maʉ̃ena iyiare panʉta ũdubipanʉ iya kʼẽãbʉde akʉza nekʼãrẽ baduta opanʉ Jeowa kʼawa bʼaita (Is 1:16-18; 55:7).
BIDEO SOIDUBA JEOWARE KʼẼRẼPAPANɄTA ŨDUBIDAIBARA ŨDUBIDA TẼÃ, PANɄRA NAɄ̃ WIDITA:
¿Yi wũãwũãraba Jeowaʼa amaebʉrʉde sãwũãbʉba yibarirãra?
¿Kongregasionbara sãwũã kʼarebaseabʉ maʉ̃ra mebẽrãra?
¿Saʉ̃ Daizeze Bedʼeadebema yizaba ũdubibʉ audre yibiata dayirã mebẽrãira, Jeowaʉ̃me kʼẽrẽpa bʼaita?
¿Sãwũã ũdubipanʉ audre yibiata dayirã mebẽrãira Jeowaʉ̃me kʼẽrẽpa bʼaita?