Nejaradiabari de Daizeze Bedʼea jaradiabariraita, mamara ¿wãkĩrãbʉka?

Bʉta 23deba 65 poagabayedabʉbʉrʉ, ewari jõmaʉ̃nẽ trajabʉbʉrʉ Daizezeita, mejãcha kaya ẽ bʉrʉ akʉza awuru drʉa eda Diazeze ʉ̃rʉ mejãcha jaradia ẽ mae wãkĩrãbʉbʉrʉ, ¿kʼãrẽa bira ẽ karta Nejaradiabari de Daizeze Bedʼea jaradiabarima wãita? Naʉ̃ kʼãwũã ojʉ̃drʉsidadera wãsida juwa jidapanʉrata, mebẽrã wẽrã dobapanʉrata akʉza mebẽrã yumakẽrã dobapanʉrata. Mamina audre nesidapanʉ mebẽrã yumakẽrã dobapanʉrata wãmarẽã. Jeowaʼa kʼarebata widira audre okĩrã oita akʉza yi Warraba oda kĩrãkʼa oita (Sl 40:8; Mt 20:28; Heb 10:7). Maʉ̃are oseabʉ ariguide trajaita mawũã aripe oita maʉ̃ eskuela eda wãita.

Mebẽrã maʉ̃ eskuela eda wãnara, ¿kʼãrẽ nebiata ũdusida? Ʉ̃kʉrʉra zokʼapanʉ drʉa jãpe awuru bedʼeade bedʼeapanʉma mawũã ẽ bʉrʉ jaradiaita esibidordeba pʉwʉrʉ zromane. Adewara maʉ̃ eskueladeba graduadarãra kongregasione zõrãrã akʉbari baseabʉ mawũã ẽ bʉrʉ zokʼa bʉepanʉ awuru drʉa eda Daizeze Bedʼea jaradiaita. Jeowaʼa audre diaita krĩcha bʉeda, Isaíasba jarada kĩrãkʼa bʼaibara: «Zachua mʉ̃ta, zokʼa bʉera mʉ̃ta» (Is 6:8).

BIDEO MISIONERORA ZAREA OPANɄTA DAIZEZE BEDʼEA JARADIAITA ŨDUBIDA TẼÃ, PANɄRA NAɄ̃ WIDITA:

• 

  Mebẽrã awuru drʉa eda Daizeze Bedʼea jaradia wãirãra, ¿sãwũã jidapanʉ?

• 

  ¿Maʉ̃ra mebẽrãbara kʼãrẽ trajo biata opanʉ?

• 

  ¿Maʉ̃ra mebẽrãbara kʼãrẽ nebiata ũdubʉ?