BʼAITA KRISTIANORA KĨRÃKʼA
Asamblea regionalrane ũdubiseapanʉ kãgata
¿Kʼãrẽa dayirãbara mejãcha kãgade asamblea regionalra? Dayirãba Israelba nãã obada kĩrãkʼa ãba zeseabʉ mebẽrãbawara Jeowaʼa yiwidʼidaita. Mama audre kʼawuaseabʉ Jeowa ʉ̃rʉ akʉza dayirã mebẽrãbawara, neũdukʼawuarabawara ãba baseapanʉ. Dayirãba maʉ̃ta mejãcha kãgabʉ baera zarea opanʉ mama wãita ewari ũbeabayeda.
Dayirã ãba zebʉrʉdera bari krĩchabe ẽ kʼãrẽ nebia ũduita awuarabʉrʉ krĩchaibara sãwũã kãgata ũdubita wuabemara (Gál 6:10; Heb 10:24, 25). Dayirãbara kãgata ũdubibʉ jewedabarita jidapanʉbʉrʉ dayirãba nesidabʉtrʉ (Flp 2:3, 4). ¿Kʼãrẽa bedʼeada ẽ dayirãba mebẽrã ũduaduabawara? Maʉ̃ta oseabʉ asamblea jʉ̃drʉi nãã mawũã ẽ bʉrʉ nekobʉde (2Co 6:13). Maʉ̃ neũdukʼawuarata mama ũdubʉbʉrʉ ewari jõmaʉ̃nẽ neũdukʼawua baseabʉ ãyibawara. Wuabemaraba mawũã ũdupanʉbʉrʉ dayirã yiya kãgabʉta, ãyisida Jeowa ode wãkĩrãñi (Jn 13:35).
BIDEO ASAMBLEA PɄWɄRɄ BIODEBEMA «KÃGARA JÕKA» ŨDUBIDA TẼÃ, PANɄRA NAɄ̃ WIDITA:
¿Mebẽrãbara kʼãrẽta osida mebẽrã asamblea pʉwʉrʉ biodebema 2019debema, kãga ũdubita?
¿Kʼãrẽa ẽbẽrarãbara akʉkĩrãne dayirã kʼãwũã ãbapanʉta akʉza yiya kãgapanʉta?
¿Zõrãrã Burubia ãba yi jʉrepanʉrabara kʼãrẽta jarasida kãga ʉ̃rʉ?
¿Kʼãrẽta odaibara kãga ũdubita asamblea regionalrane?
¿Sãwũã ũdubisida kãgata Alemaniane akʉza Corea del Surde?
¿Kʼãrẽta okĩrã opanaibara dayirãbara?