BʼAITA KRISTIANORA KĨRÃKʼA
Daucha opanʉ naʉ̃ drʉa jõmaʉ̃nẽ jaradia wãita
Jeowabara Israel pʉwʉrʉde daucha erbada kĩrãkʼa idi ewadebida mawũã obʉ iyi pʉwʉrʉra iya kãgabʉ oita. Sukursalraba, kongregasionʼraba akʉza maʉ̃neba zebʉraba naʉ̃ drʉa jõmaʉ̃nẽ abarika opanʉ bedʼea bia jaradiaita, adewara bedʼea awuara bedʼeabʉrabida (Ap 14:6, 7).
¿Bʉara krĩchabarika awuru bedʼea kʼawuaita Daizeze ʉ̃rʉ wãrĩnuta jaradiaita ẽbẽrarã? Ewarita neẽbʉrʉ awuru bedʼea kʼawuaita wiña kʼawuaseabʉ JW Language deba ẽbẽrarã jaradiaita. Bʉa mawũã kʼawuadata zokʼabʉbʉrʉ mebẽrã kristianora siglo nabema kĩrãkʼa sobiabayi, ãya jaradiasi baera ẽbẽrarã awuru pʉwʉrʉdebema ãyi bedʼeade (Hch 2:7-11).
BIDEO WŨÃWŨÃ JEOWA KʼAWABARA: JARADIARA AWURU BEDʼEADE ŨDUBIDA TẼÃ, PANɄRA NAɄ̃ WIDITA:
¿Sãwũã zokʼaseabʉ JW Language?
¿Maʉ̃ aplikasionʼra kʼãrẽ nebiata erbʉ?
Ẽbẽrarã bedʼea awuara awuarakabʉrabara nesidapanʉ bedʼea bia Daizeze Nokʼo ʉ̃rʉ kʼawuaita.
¿Bʉ bʉmaera kʼãrẽ bedʼeade bedʼeapanʉtabʉ?
¿Kʼãrẽta oibara awuru bedʼeade bedʼeabʉba ũrĩkĩrãbʉbʉrʉ Daizeze Nokʼo ʉ̃rʉ? (od-S 100 parr. 39-41).