Biʼia jida kʼawuara mara neũdukʼawua bʼaira

Idi ewade israelitara ʉ̃rʉ nekʼãrẽ mejãcha kʼawuasebʉ Moab koribide berabaridata (1Co 10:6, 8, 11). Israelitarãra moabitarabawara neũdukʼawuabasi, mamina maʉ̃ra yuwẽrãrabara nekʼãrẽ zokʼabʉta wawia ũdubida ẽ basi akʉza nekʼãrẽ oma yiwidʼipanasi. Maʉ̃ra wẽrãrãra auduapanasi akʉza ãyira maʉ̃ nekayiruade eda baesi (Nú 25:9). Idi ewade dayirãsida maʉ̃ne panʉ trajode, kolegiode, ẽbẽrarã dayirã de kʼawabʉrata, dayirã mebẽãrata, maʉ̃rãra Daizeze ode panʉ ẽ. Daizeze Bedʼeabara jarabʉ yibia ẽãta neũdukʼawua Jeowa ode panʉ ẽãta jidabʉbʉrʉ, ¿naʉ̃ nebʉraba sãwũã ũdubibʉ maʉ̃ra?

BIDEO IDI EWADE DAYIRÃ YIZA JARADIABɄTA (WIÑA ŨDUBIBɄ) ŨDUBIDA TẼÃ, PANɄRA NAɄ̃ WIDITA:

• 

  ¿Zimríba akʉza iyi kʼawa pananaraba kʼãrẽ bedʼea kayiruata jarasida Jamínʼara?

• 

  ¿Finehásbara Jamínʼra sãwũã kʼarebasi bia krĩchamarẽã?

• ¿Kʼãrẽne awuarabʉ Jeowa odebʉ ẽãta bia edaita akʉza dayi neũdukʼawua bʼaita?

• ¿Kʼãrẽa bia jʉrʉibara dayirã neũdukʼawua Daizeze odepanʉramina?

• Dayirãta selulardeba ẽbẽrarã eda biobʉde bʉedara, mamina ʉ̃kʉrʉ maʉ̃ranebemata ũduaduabʉrʉ, ¿kʼãrẽa mama eda ba ẽ baibara?