BʼAITA KRISTIANORA KĨRÃKʼA
Kʼẽãbʉdaba ũdubibʉ Jeowa kãgata
Edaude nesidabʉ ũrãgʼa diadamarẽã, jarada ʉ̃rʉ jaramarẽã akʉza kẽãmarẽã. Jeowabara jaradiada ʉ̃rʉ jaradiabʉ iyaʼa yiwidʼidamarẽã iya kãgabʉ kĩrãkʼa (Ro 12:1; Heb 12:10, 11). Edaude dayirã kʼẽãpanʉ kʼarea sopʉaseabʉ. Mamina dayirãba ĩjãnara Jeowaba nebiata diaseabʉ (Pr 10:7). ¿Kʼãrẽta oibara jari yi kʼẽãitakʉbʉbara akʉza yi kʼẽãpanʉra?
Yi kʼẽãitabʉraba: Zõrãrãba akʉza yibariraba kʼẽãbʉrʉde kãgata ũdubibara Jeowaba obʉ kĩrãkʼa (Jer 46:28). Ẽbẽraba obʉ kʼawua kʼẽãibara, mamina kãgade (Tit 1:13).
Yi kʼẽãpanʉra: Baduta kẽãsidabʉrʉ waña ũrĩ kʼawuaibara (Pr 3:11, 12). Jõmaʉ̃ta nemitia omia baera nesidapanʉ kʼẽãnamarẽã. Dayirãba ũrãgʼata ũdupanʉ Daizeze Bedʼea akʉpanʉne akʉza ãba yi jʉrebarimae wãpanʉne. Mawũã ẽ bʉrʉ edaude nesidapanʉ zõrãrãta ãba zedamarẽã dayi kʼẽãnaita. Dayirã kʼẽãbʉdade ũrĩbʉbʉrʉ maʉ̃ba kʼarebabʉ bia bʼaita (Pr 10:17).
BIDEO JEOWABARA IYA KÃGARA KʼẼÃBɄ ŨDUBIDA TẼÃ, PANɄRA NAɄ̃ WIDITA:
¿Sãwũãbasi Canon bebʉra akʉza kʼãrẽta berabarisi?
¿Jeowabara sãwũã kʼẽãsi kãgade?
Dayirãta kʼẽãbʉdabʉrʉ kãgade ũrĩbara Jeowadeba zebʉ baera.
¿Iyi mawũã berabaridadeba, dayirã kʼãrẽta jaradiabʉ?