Kãgade jaradiakĩrãbaibara

Sobiabibʉbara dayisida sobiabiseabʉ akʉza oseabʉ ẽbẽrarãba dayi bedʼeata ũrĩmarẽã. Adewara ũdubibʉ dayirãitara yibia dayirãba jaradiabʉra. Dayirã jõmaʉ̃ta sobia baseabʉ krĩcha ẽã kʼãrẽ kulturadeba zebʉta akʉza sãwũãbʉta (Ro 12:11). ¿Sãwũã oseapanʉ maʉ̃ra?

Nããra, krĩchara bʉa jaradiabʉra kʼãrẽaba yibiata. Bʉara naʉ̃ nebiata erbʉ «bʼaidʼebemata jara bʼera bedʼea biata» (Ro 10:15, Daizeze Bedʼea, Wycliffe Inc.). Ũmeta, krĩchara ẽbẽrarãba kʼãrẽ nebia kʼawuaseabʉta akʉza bʉa jaradiabʉra ãya nesidabʉ ũrĩta (Ro 10:13, 14). Ũbeata, bʉyi bedʼeabʉde bedʼeara adewara bʉ kĩrã akʉza bʉ juwa sãwũã obʉdeba ũdubira bʉ sãwũã sentibʉta akʉza wãrĩnu bedʼeabʉta.

BIDEO DAIZEZE BEDʼEA ẼBẼRA SOIDU JɄ̃ẼBIBɄBA SOBIABIBɄ. AUDRE BIA ORA: KÃGADE JARADIAKĨRÃBAIBARA ŨDUBIDA TẼÃ, PANɄRA NAɄ̃ WIDITA:

• 

  ¿Ritara kʼãrẽba sobia ẽã asi Eriyidaʉʼa Daizeze bedʼea jaradiabasidera?

• 

  ¿Ritara kʼãrẽba kʼarebasi jẽda sobia bʼaita?

• 

  ¿Kʼãrẽa akʉibara dayirãba jaradiabʉara ãya kʼãrẽ nebia erbʉta?

• ¿Daya sãwũã ũdubibʉdeba kʼãrẽta krĩchaseabʉ Daizeze bedʼea kʼawuabibʉrata akʉza ẽbẽrarãta?