ORA BɄA DAIZEZE BEDʼEA JARADIABɄRɄDE | SOBIABARA JARADIA WÃBɄDE
Zokʼara nekʼãrẽ Jeowa ʉ̃rʉ audre kʼawuabibʉta
Jeowabara dayirã nekʼãrẽ zokʼabarita diabʉ biʼia jaradiadamarẽã, karta zakerata, kartarata, librorata akʉza Daizeze Bedʼeata (2Ti 3:16). Akʉza nekʼãrẽ diabʉ jʉrʉita maʉ̃ba kʼarebabʉ bia jara ũrĩbita Daizeze Bedʼeaba jarabʉta. Maʉ̃rãra Watchtower Library, aplikasion JW Library®, KARTARARABɄ INTERNETʼNE Watchtower™ akʉza Guía de estudio para los testigos de Jehová.
Yibiabayi mejãcha bedʼea biata ũdui baera naʉ̃ra kʼarebadeba. Jaradiara bʉ nekʼawuabarira sãwũã zokʼaita maʉ̃ kʼareba bedʼea jʉrʉbarira. Mawũã ãyisida sobiayi ãya bedʼea widibʉta ũdui baera Daizeze Bedʼeade.
BIDEO DAIZEZE BEDʼEA ẼBẼRA SOIDU JɄ̃ẼBIBɄBA SOBIABIBɄ. ZOKʼADADRɄ JEOWABA DAYIRÃ KʼAREBAITA DIABɄRA: NEKʼÃRẼ JEOWA Ʉ̃RɄ AUDRE KʼAWUABIBɄTA, ŨDUBIDA TẼÃ, PANɄRA NAɄ̃ WIDITA:
¿Kʼãrẽta jarasi Eriyidaʉbara nekʼãrẽ parãna ʉ̃rʉ?
¿Sama jʉrʉsi Ritaba maʉ̃ bedʼea ʉ̃rʉra?
Nebia Daizezedebemata ũduira sobiabibʉ.
¿Sãwũã kʼawuasi Ritabara saʉ̃ bedʼeata audre yibiata Eriyidaʉitara?
¿Sãwũã kʼarebasi nekʼãrẽ jʉrʉiba Ritara?