Nekʼãrẽ ũbeade ũdubiseabʉ Jeowade ĩjãbʉta

Davidba beasi Goliatʼa Jeowade mejãcha ĩjãbasi baera (1Sa 17:45). Jeowabara zarea diakĩrãbʉ iyi neũdukʼawuara (2Cr 16:9). ¿Kʼãrẽta oibara dayirãne ĩjãi kaude Jeowade ĩjãbʉta ũdubita? Nekʼãrẽ ũbea akʉdayi.

• Badua yiwidʼibara. Yiwidʼibara Jeowaʼa, iya bʉ nemitia odata kĩrãduamarẽã akʉza zarea widita nekayirua oẽ baita (Mt 6:12, 13). Yiwidʼibara Jeowaʼa bʉa kʼãrẽ obʉde bia wãita akʉza yiwidʼibara Jeowaʼa bʉa nekʼãrẽ oi naweda kʼarebamarẽã kʼãrẽta oita (Snt 1:5).

• Badua Daizeze Bedʼeata leibara akʉza kʼawuabaibara. Ewariza Daizeze Bedʼeata leibaibara (Sl 1:2). Kʼawuara Daizeze Bedʼeade ẽbẽrarã nebʉrabʉ ʉ̃rʉ, maʉ̃ tẽã ora bʉa kʼawuadata (Snt 1:23-25). Jaradiai naweda, nããra biʼia kʼawuaibara kʼãrẽ ʉ̃rʉ bedʼeaita akʉza bʉa kʼawuabʉde ĩjãrãra. Bʉa ãba yi jʉrebʉmae biʼia ũrĩta, nããra akʉibara kʼãrẽ ʉ̃rʉ bedʼeabʉta.

• Jeowa organizasionta kʼarebara. Biʼia kʼawuabara Jeowa organizasionba kʼãrẽ jarabʉta akʉza mesera ora iya jarabʉta (Nú 9:17). Adewara zõrãrã kongregasionebemaba jarabʉsida, mesera ũrĩbara (Heb 13:17).

BIDEO PERADAKARA PẼWÃBɄDA KʼAREA ŨDUBIDA TẼÃ, PANɄRA NAɄ̃ WIDITA:

• ¿Mebẽrã bideodebemara kʼãrẽ bedʼea zromata ũdusida?

• ¿Kʼãrẽba kʼarebasi maʉ̃rãra bedʼea zroma awuantaira?