BʼAITA KRISTIANORA KĨRÃKʼA
Biʼia zokʼa kʼawuara bʉ kakuara, bʉa kãgabʉʼa yi edebi ẽ baita
Dayirãra nemitia omia baera ewari jõmaʉ̃nẽ zarea odaibara daya kãgabʉʼa yi edebi ẽ baita. Daya kãgabʉʼa yi edebira aduaseabʉ Jeowa neũdukʼawua bʼaita. Ʉ̃kʉrʉitara audre yibia de erbaita, yiko erbaita, wua erbaita Daizeze kãgaira. Ʉ̃kʉrʉbara krĩcha ẽ Jeowabara kʼãrẽta jarabʉra mia erkʼãĩ ʉ̃rʉra (Ro 1:26, 27). Ʉ̃kʉrʉta wuabemaraba jarabʉʼa yi edebibʉ bia akʉdamarẽã (Éx 23:2).
¿Kʼãrẽta oibara daya kãgabʉʼa yi edebi ẽ baita? Zarea odaibara Jeowadebema audre oita (Mt 4:4). Akʉza Jeowaʼa yiwidʼidaibara kʼarebamarẽã daya kagabʉʼa yi edebi ẽ baita, iya kʼawuabʉ baera dayirãita kʼãrẽta yibiata akʉza kʼawuabʉ baera sãwũã dayirãba kãgabʉta bia oseabʉta (Sl 145:16).
BIDEO ADUARÃRA BɄ BEBɄRA SIGARRIYO DOI KʼAREA, ŨDUBIDA TẼÃ, PANɄRA NAɄ̃ WIDITA:
¿Kʼãrẽa sigarriyota dopanʉ ʉ̃kʉrʉbara?
¿Kʼãrẽta berabariseabʉ sigarriyota dopanʉbʉrʉ?
¿Kʼãrẽa sigarriyo doita akʉza sigarriyo nekʼãrẽ awurudeba doita zeri ẽ? (2Co 7:1).
Bʉara jipa amaeseabʉ sigarriyo doira.
¿Bʉara kʼãrẽta oseabʉ nekʼãre mitia bʉa obʉta idubʉira?