Ũdura ũrãgʼa biata jw.org de

Daizeze Bedʼeabara dayirã jaradiabʉ kʼãrẽta oibarata naʉ̃ ewari jõbodoare (2Ti 3:1, 16, 17). Mamina edaʉde dayirãra nesidabʉ kʼarebata jʉrʉita saʉ̃ Daizeze Bedʼearadebemaba kʼarebaita. Bari jaraita, ¿jʉrʉbʉka ũrãgʼa bʉ wũãwũã sãwũã dapʉẽi ʉ̃rʉ?, ¿bʉra warraraka akʉza bedʼea zroma erbʉka bʉa ĩjãbʉ kʼarea?, ¿bʉra zʉbʉriabʉka bʉ kima beida kʼarea? Bʉa ũduyi naʉ̃ ʉ̃rʉ bedʼeabʉta jw.org de akʉza wãrĩnu Daizeze Bedʼearadebemaba bʉ sãwũã kʼarebaseabʉta (Pr 2:3-6).

Eda wãra jw.org «Daizeze Bedʼeaba jaradiabʉta» abʉmae mõbe jʉrʉda bʉya kʼawuakĩrãbʉta (akʉra poto 1). Mawũã ẽ bʉrʉ wãra «Kartara» abʉmae, mõbe katura «Artikulo jõma akʉita» jidara bʉa kʼawuakĩrãbʉ ʉ̃rʉ (akʉra poto 2). Akʉza naʉ̃ra ũduseabʉ JW Library^® de.a Bʉa artikulora kʼawuakĩrãbʉra jʉrʉseabʉ naʉ̃ra ũmene. Mawũã ẽ bʉrʉ jw.org de zokʼaseabʉ jʉrʉita abʉmae.

Jʉrʉita abʉmae bʉra naʉ̃ra bedʼeata, akʉita kʼãrẽ artikulota naʉ̃ra ʉ̃rʉ bedʼeabʉta:

• Wũãwũãra sãwũã dapʉeita

• Warraraba widipanʉta

• Beidara