BʼAITA KRISTIANORA KĨRÃKʼA
Kʼawuara kʼãrẽta krĩchabʉta Jeowaba
Dayirãba kãgapanʉ baera Jeowara dayirãbawara sobia bamarẽã, dayirãba kʼawua krĩcha kʼãrãpe jidabʉrʉra bʼaibara Jeowaba kãgabʉde, neẽmina ley kʼãrẽta omarẽã zokʼabʉta (Pr 27:11). ¿Sãwũã oseabʉ maʉ̃ra?
Ewariza Daizeze Bedʼea lebʉde. Daizeze Bedʼea ewariza lebʉde Jeowaʉ̃me bedʼeabʉ kĩrãkʼabʉ. Dayirãba akʉpanʉne Jeowaba iyi pʉwʉrʉ sãwũã edadata akʉza akʉpanʉbʉrʉ Daizeze Bedʼeade yiza biabʉta akʉza yiza zeri ẽãbʉta, naʉ̃ba kʼarebayi dayirãba kʼawuaita sãwũã krĩchabʉta Jeowaba. Mawũã dayirãba kʼãrẽ jidaide Daizeze jaureba kĩrãbebiyi dayirãba Daizeze Bedʼeade ledata ( Jn 14:26).
Biʼia jʉrʉbʉde. Bʉa kʼãrẽ jidai naweda bʉyikʉza widira: «¿Kʼãrẽ bersikuloba mawũã ẽ bʉrʉ kʼãrẽ yiza Daizeze Bedʼeade edabʉba kʼarebaseabʉ kʼawuaita sãwũã krĩchabʉta Jeowaba naʉ̃ ʉ̃rʉ?». Jeowaʼa kʼarebata widida akʉza zokʼara dayirã kartara bʉ bedʼeade bʉta, mawũã ũduita kʼãrẽ Daizeze Bedʼearadebemaba bʉta kʼarebaseabʉta (Sl 25:4).
BIDEO ZAREA WẼBADAIBARA: BIA KʼAWUAIBARA DAIZEZE BEDʼEADEBEMATA ŨDUBIDA TẼÃ, PANɄRA NAɄ̃ WIDITA:
¿Kʼãrẽ bedʼea zromata ũdusi mebẽãbara?
¿Sãwũã kʼarebaseabʉ dayirã kartara estudiabʉba naʉ̃ra bedʼea zroma awuantaita?
¿Kʼãrẽne kʼarebabʉ bia estudiaiba akʉza bia krĩchaiba daya kʼãrẽ jidai naweda? (Heb 5:13, 14).