¿Daizeze Bedʼea grawamara bia zokʼabʉka?

Daizeze Bedʼea grawama. Traducción del Nuevo Mundo ʉ̃ra akʉdadeba bedʼeata grawapanʉ. Adewara wika wikade bedʼea awuara awuaraka grawa wãna naʉ̃ drʉa jõmaʉ̃nẽ. Naʉ̃ bedʼea grawamara audre yibia ẽbẽra abaʉba testo jõma le ẽ baera, awuarabʉrʉ ẽbẽra aba eda bedʼeabʉrʉza awuru ẽbẽrata bedʼeabipanʉ baera.

¿Kʼãrẽne kʼarebabʉ Daizeze Bedʼea grawamabara? Ẽbẽra Daizeze Bedʼea grawama ũrĩbʉbara jarapanʉ audre bia ũrĩbʉta akʉza ãyi soidu jʉ̃ẽbʉta Daizeze Bedʼeade edabʉra. Daizeze Bedʼea grawama ũrĩbʉrʉde nemi awuara ũrĩbʉrʉba kʼarebabʉ audre ẽza ũrĩta Daizeze Bedʼeaba nebʉrabʉta akʉza krĩchaita sãwũã berabaridata (Pr 4:5). Ʉ̃kʉrʉra mejãcha kʼarebabʉ Daizeze Bedʼea grawama ũrĩbʉba bedʼea zroma erbʉde aduʼa bʼaita (Sl 94:19).

Daizeze Bedʼea grawama ũrĩbʉbara biode kʼarebaseabʉ dayirã bebʉ bia bamarẽã (2Cr 34:​19-​21). Daizeze Bedʼea grawamata chubʉrʉ bʉa bedʼea ũrĩseabʉde zarea ora badua ũrĩ bʼaita.

BIDEO DAIZEZE BEDʼEA GRAWAIRA ¿SÃWŨÃ OBɄ? ŨDUBIDA TẼÃ, PANɄRA NAɄ̃ WIDITA:

¿Daizeze Bedʼea grawamanebemara saʉ̃ta audre yibia bʉitara?