29 ABRILDEBA–5 MAYO EDA

SALMOS 34, 35

Trãbi 10 akʉza yiwidʼita | Yi nãã bedʼeabʉta (1 min.)

BEDʼEA BIA DAIZEZE BEDʼEADE ŨDUDATA

1. «Ewari jõmaʉ̃nẽ Jeowa ʉ̃rʉ ibia bedʼeara»

(10 min.)

Davidʼra Jeowa ʉ̃rʉ ibia bedʼeasi bedʼea zroma ũdusimina (Sl 34:1; w07 1/3 22 parr. 11).

Davidʼra Jeowa ʉ̃rʉ ibia bedʼeasi iyi ʉ̃rʉ ibia bedʼeai kaude (Sl 34:2-4; w07 1/3 22 parr. 13).

Davidba bedʼea bia jarabʉba so zarea diasi iyiʉ̃me ãbapanʉra (Sl 34:5; w07 1/3 23 parr. 15).

Davidta iyi kʼaidubemarabawara bedʼeanʉmʉ mõgara zobeade eda.

Davidba Abimelec idʉbʉeda tẽãra, 400 yumakẽrãra nokʼo Saúlba ãyi sãwũã zokʼabʉ kãga ẽãrata Davidma wãsida (1Sa 22:1, 2). Naʉ̃ salmo bʉsidera Davidbara ãyi ʉ̃rʉ krĩchabasibaibara (Sal 34, yi ʉ̃tʉbemata).

BɄYIKɄZA WIDIRA: «¿Ãba yi jʉrebarimae wãbʉrʉde sãwũã ibia bedʼeaseabʉ Jeowa ʉ̃rʉ awurume bedʼeabʉrʉde?».

2. Jʉrʉda nekʼãrẽ biʼiabʉta Daizezedebemata

(10 min.)

Sl 35:11. ¿Naʉ̃ testoba jarabʉra sãwũã aripe berabarisi Jesu ewaride? (w11 15/8 pag. 14 parr. 9).

Bʉa panʉita
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?

Bʉa panʉita

3. Leita

(4 min.) bhs yi 1 parr. 17-21 bayeda (th yi 5).

ORA BɄA DAIZEZE BEDʼEA JARADIABɄRɄDE

4. Bedʼea jʉ̃drʉra

(2 min.) BɄYI WÃMAE JARADIARA. Bʉa Daizeze bedʼea waidide jaradia jʉ̃drʉ ẽ nãã yi ẽbẽraba jarabʉ ũrĩkĩrã ẽãta (lmd yi 1 punto 4).

5. Jẽda akʉ wãra

(4 min.) BɄYI WÃMAE JARADIARA. (lmd yi 2 punto 4).

6. Jara ũrĩbira bʉa ĩjãbʉ ʉ̃rʉ

(5 min.) Mebẽrãba oũdubidayi. ijwfq-S 59. Trʉ̃ta: Ʉ̃kʉrʉ piesta naʉ̃ drʉadebemaraba obʉra, ¿kʼãrẽa Jeowa ʉ̃rʉ Kʼawuabipanʉrãba oẽ? (th yi 17).

BʼAITA KRISTIANORA KĨRÃKʼA

Trãbi 59

7. Ãba yi jʉrebʉrʉde nekʼãrẽ ũbeadeba Jeowa ʉ̃rʉ ibia bedʼeaseapanʉ

(15 min.) Yi wuabemarabawaraʉba akʉra.

Potora: Mebẽã wẽrã aba juwa ʉ̃ta wuabʉ ãba yi jʉrebarimae. 1. Ãba yi jʉrebari jʉ̃drʉi nãã bedʼeabʉ mebẽrãbawara. 2. Iyira juwa ʉ̃ta wuabʉ. 3. Iyira sobia trãbʉ kongregasione.

Dayirã ãba yi jʉrebʉra yibia Jeowa ʉ̃rʉ ibia bedʼeapanʉ baera. Atia akʉdayi nekʼãrẽ ũbea.

Wuabemaraʉ̃me bedʼeabʉde: Awururaʉ̃me bedʼeabʉrʉde jarara Jeowa kʼãrẽaba ẽbẽra biata (Sl 145:1, 7). ¿Bʉa lebarika mawũã ẽ bʉrʉ ũrĩbarika nei bʉ kʼarebaseabʉta? ¿Daizeze ʉ̃rʉ jaradia wãside bia jʉ̃ẽsika? ¿Ẽbẽra abaʉba nekʼãrẽ odaba mawũã ẽ bʉrʉ kʼãrẽ jaradaba bʉaʼa so zarea diasika? ¿Jeowaba nekʼãrẽ parãnane ũdusika nekʼãrẽ bʉa audre kãgata? Naʉ̃ jõma Jeowaba dayirã nebia diada (Snt 1:17). Ãba yi jʉrebarima ãza jʉ̃ẽrãra mawũã ewari erbamarẽã wuabemaraʉ̃me bedʼeaita.

Juwa ʉ̃ta wuabʉrʉde: Zarea ora ãba yi jʉrebʉrʉza bedʼeama aba bedʼeaita (Sl 26:12). Yi bedʼea widibʉ awa panʉra, mawũã ẽ bʉrʉ awuru bedʼea maʉ̃ ʉ̃rʉ bedʼeabʉta jarara, adewara jaraseabʉ testoba jarabʉta, potoba jarabʉta, mawũã ẽ bʉrʉ mama bedʼea jarabʉra sãwũã zokʼaseabʉta. Bʉ juwa wuabʉrʉde wuabemarasi juwa wuaseabʉ maʉ̃ kʼarea nawedaʉba jʉrʉra komentario bio. Dayirãbara Daizeze ʉ̃rʉ audre ibia bedʼeaseapanʉ komentario diabʉrʉde wiña bedʼeapanʉbʉrʉ (30 segundo) (Heb 13:15).

Trãbʉrʉde: Sobiade trãra trãbirãra (Sl 147:1). Bʉa komentario diabʉrʉdera edaʉde komentario bʉaʼa diada ẽ bayi, audre yi kongregasionta yi zromabʉrʉ, mamina trãbʉrʉdera jõmaʉ̃ba ãba trãseapanʉ. Akʉza bʉyima bʉ bia trã ẽ mina soiduba trãbʉbʉrʉ naʉ̃ba sobiabiyi Jeowata (2Co 8:12). Bʉ dedabʉeda akʉra sãwũã trãita ãba yi jʉrebarimae jʉ̃ẽbʉrʉde.

BIDEOTA ũdubira Nawedaʉba idibayeda: Trãbira Jeowa ʉ̃rʉ ibia bedʼeabibʉrata (yi 1). Maʉ̃ tẽã widira:

Jeowa organizasionbara nawedaʉba, ¿sãwũã ũdubi zebʉrʉ trãbiraneba Jeowa ʉ̃rʉ ibia bedʼeaira yibiata?

Bʉa panʉita

8. Ãba yi jʉrebarimae Daizeze Bedʼeadebema libro akʉita

(30 min.) bt-S yi 9 parr. 1-7 bayeda, yi nãã bedʼeabʉta yi 3debemata akʉza rekuadro pagina 70debemata.